- એએમએ દ્રારા ‘એસ. આર. ભંડારી-એએમએ બેસ્ટ સ્પીકર એવોર્ડ ૨૦૨૬’નું આયોજન કરાયું:
- યુવા વક્તાઓએ રજૂ કરી પોતાની વાકપટુતા અને અસરકારકતા
- ૧૮થી ૩૦ વર્ષની વયના યુવાનોમાં રહેલી શ્રેષ્ઠ જાહેર વક્તૃત્વ ક્ષમતાને ઓળખવા, પ્રોત્સાહિત કરવા અને સન્માનિત કરવા માટે આયોજિત આ સ્પર્ધા
પથિક લીંબાચીયા, અમદાવાદ:
27 ઓગસ્ટ 2026:
આત્મવિશ્વાસ, સ્પષ્ટતા અને વાણીની શક્તિની ઉજવણી કરતા, અમદાવાદ મેનેજમેન્ટ એસોસિએશન એએમએ દ્રારા ‘એસ. આર. ભંડારી-એએમએ બેસ્ટ સ્પીકર એવોર્ડ ૨૦૨૬’ સ્પર્ધાનું સફળતાપૂર્વક સમાપન કરવામાં આવ્યું હતું. ૧૮થી ૩૦ વર્ષની વયના યુવાનોમાં રહેલી શ્રેષ્ઠ જાહેર વક્તૃત્વ ક્ષમતાને ઓળખવા, પ્રોત્સાહિત કરવા અને સન્માનિત કરવા માટે આયોજિત આ સ્પર્ધામાં અંગ્રેજી અને ગુજરાતી ભાષાના વિભાગોમાં કુલ ૧૬૬ સ્પર્ધકોનું મૂલ્યાંકન કરવામાં આવ્યું હતું, જેમાં વિષયની ઊંડાણપૂર્વકની રજૂઆત અને રજૂઆતની શૈલી પર વિશેષ ધ્યાન આપવામાં આવ્યું હતું.
બે સ્પર્ધાત્મક પસંદગીના તબક્કાઓ — પ્રિલિમિનરી રાઉન્ડ અને ફાઇનલ રાઉન્ડ — બાદ, શ્રી. તનવી સંદીપ ઠક્કરને તેમના ઉત્કૃષ્ટ પ્રદર્શન અને અસરકારક રજૂઆત માટે ‘એસ. આર. ભંડારી-એએમએ બેસ્ટ સ્પીકર એવોર્ડ ૨૦૨૬’થી સન્માનિત કરવામાં આવ્યા હતા, જ્યારે શ્રી. હાર્દી પરમારે રનર-અપનું સ્થાન પ્રાપ્ત કર્યું હતું.
અંતિમ રાઉન્ડનું મૂલ્યાંકન શ્રી. કેતન ત્રિવેદી અને શ્રી. શિલ્પા ચોક્સી સમાવિષ્ટ પ્રતિષ્ઠિત જ્યુરી પેનલ દ્રારા કરવામાં આવ્યું હતું, જેમાં શ્રી. લિપી ગોયલ અને શ્રી. પરિમલ પટેલ વિશેષ અતિથિ તરીકે ઉપસ્થિત રહ્યા હતા. આ વાર્ષિક સ્પર્ધા કોમ્યુનિકેશન ક્ષેત્રે ઉત્કૃષ્ટતાને પ્રોત્સાહન આપવાની અને ભવિષ્યને ઘડનારા વિચારોને રજૂ કરવા માટે ઉભરતા નેતાઓને તૈયાર કરવાની એએમએની લાંબા સમયની પરંપરાને આગળ ધપાવે છે.
#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #ahmedaba #AhmedabadManagementAssociation #AMA #Awards #BharatMirror #Award
