સંબંધિત તમામ ઉમેદવારો પરીક્ષા અંગેની વધુ વિગતો માહિતી નિયામકની કચેરની વેબસાઇટ પરથી જોઇ શકશે
ગાંધીનગર,તા.4
માહિતી નિયામકની કચેરીની વિવિધ સંવર્ગની ભરતી માટે પ્રિલિમિનરી પરીક્ષા આગામી તા.૨૭ જુન,૨૦૨૧ના રોજ યોજાશે. વિભાગ તરફથી કરાયેલી જાહેરાતને પગલે પરીક્ષાર્થી ઉમેદવારોમાં સ્પષ્ટતા થતાં રાહતની લાગણી ફેલાઇ છે અને ઉમેદવારો પરીક્ષાની છેલ્લી ઘડીની તૈયારીમાં લાગી ગયા છે. સંબંધિત તમામ ઉમેદવારો પરીક્ષા અંગેની વધુ વિગતો માહિતી નિયામકની કચેરની વેબસાઇટ પરથી જોઇ શકશે.
માહિતી નિયામક કચેરી હસ્તકની નાયબ માહિતી નિયામક, વર્ગ-૧, સહાયક માહિતી નિયામક(સંપાદન) વર્ગ-રની જાહેરાત ક્રમાંકઃર/૨૦૨૦-૨૧ અને સિનિયર સબ એડિટર(વર્ગ-૩) તથા માહિતી મદદનીશ, વર્ગ-૩ની જાહેરાત ક્રમાંકઃ ૧/૨૦૨૦-૨૧ અન્વયે નાયબ માહિતી નિયામક, વર્ગ-૧ અને સહાયક માહિતી નિયામક (સંપાદન), વર્ગ-ર ની પ્રિલિમિનરી પરીક્ષા તા.૨૭, જૂન, ર૦ર૧ના રોજ સવારે ૧૦.૦૦ કલાકે યોજાશે.
સિનિયર સબ એડિટર, વર્ગ-૩ તથા માહિતી મદદનીશ, વર્ગ-૩ ની પ્રિલિમિનરી પરીક્ષા તા.૨૭, જૂન, ૨૦૨૧ ના રોજ બપોરે ૦૩.૦૦ કલાકે યોજાશે, જેની નોંઘ લેવા સંબંધિત તમામ ઉમેદવારોને જણાવવામાં આવે છે. આ અંગેની વધુ વિગતો માટે માહિતી નિયામક કચેરીની વેબસાઇટ જોવા સૂચન છે.પરીક્ષાના સ્થળ તથા કોલલેટર ડાઉનલોડ કરવા અંગેની સૂચનાઓ હવે પછી પ્રસિદ્ધ કરવામાં આવશે.
