“મારું આંગણું મારુ વૃક્ષ”ના સંકલ્પ સાથે દરેક આંગણે વૃક્ષ રોપાય તેવી ઝુંબેશ શરૂ
નીતા લીંબાચિયા, અમદાવાદ.
06 ડીસેમ્બર 2023:
ભારત વિકાસ પરિષદ બોપલ શાખા દ્વારા ગ્રીન લીફ ટ્રસ્ટ સાથે મળી ને વૃક્ષારોપણ કાર્યક્રમ નું મણિપુર રૂડી નો રેડિયો પાસે આયોજન કરવામાં આવ્યું હતું.જેમાં સંસ્થા ના સભ્યો અને પદાધિકારીઓ હાજર રહ્યા હતા.
વધુ માહિતી આપતાં ડૉ રાજેશ ભોજક એ જણાવ્યું હતું કે ભારત વિકાસ પરિષદ બોપલ શાખા દ્વારા હરિયાળા ભારત અભિયાનનો પ્રારંભ કરવામાં આવ્યો હતો.”મારું આંગણું,મારું વૃક્ષ” ના સંકલ્પ સાથે દરેક આંગણે વ્યક્તિ વૃક્ષ વવવે તો ભારત હરિયાળું બને તેવી ભાવના વ્યક્ત કરવામાં આવી.
સંસ્થાના દરેક પદાધિકારી, સભ્યો અને તેમના પરિવારજનો એ છોડ રોપી વૃક્ષારોપણ કર્યું હતું. ભારત વિકાસ પરિષદ દ્વારા ૦૨/૧૨/૨૦૨૩ ના રોજ સવારે ૯.૩૦ કલાક થી રૂડી નો રેડિયો,* સેવા એકેડેમી, ઠાકોર ભાઈ પાર્ક,મણિપુર ડેન્ટલ કોલેજ ની પાછળ સાદગી પૂર્વક આ કાર્યક્રમ નું આયોજન કરાયું હતું.દરેક પદાધિકારી અને સભ્યો એકબીજાના સહકાર થી કાર્યક્રમ સફળ બનાવવા કાર્યરત રહ્યા હતા.
વૃક્ષા રોપણ બાદ અલ્પાહાર નું આયોજન કરવામાં આવ્યું હતું. ભારત વિકાસ પરિષદ બોપલ શાખા ના તમામ સદસ્યો ને વધું માં વધું વૃક્ષો વાવી, પ્રકૃતિ સંરક્ષણ ના ભગીરથ કાર્ય માં જોડાવા ભારત વિકાસ પરિષદ અને ગ્રીન લીફ ટ્રસ્ટ દ્વારા સૌને આવાહન કરવામાં આવ્યું હતું.
#bharatmirror #bharatmirror21 #news #mycourtyardmytree #bharatvikasparishadbhopa #ahmedabad
