અશ્વિન ગોહિલ; ધ્રાંગધ્રા. અમદાવાદ:
22 જૂન 2026:
આપણા ભારતીય સંસ્કૃતિની અમૂલ્ય ધરોહર એટલે ‘યોગ’. યોગ એ માત્ર શારીરિક કસરત નથી, પરંતુ મન, શરીર અને આત્માને જોડતું એક વિજ્ઞાન છે. આજના ભાગદોડભર્યા જીવનમાં જ્યારે માનસિક શાંતિ અને શારીરિક સ્વસ્થતા અનિવાર્ય બની છે, ત્યારે યોગનું મહત્વ અનેકગણું વધી જાય છે. ધ્રાંગધ્રા ખાતે આવેલી અગ્રણી શૈક્ષણિક સંસ્થા ‘વ્રજેન્દ્ર વિદ્યા વિહાર સ્કૂલ’ (V-CUBE) દ્વારા આંતરરાષ્ટ્રીય યોગ દિવસની ખૂબ જ ઉત્સાહપૂર્વક અને શિસ્તબદ્ધ રીતે ઉજવણી કરવામાં આવી હતી.
શાળાના પ્રાંગણમાં આયોજિત આ વિશેષ કાર્યક્રમમાં સવારના કિરણો સાથે જ વિદ્યાર્થીઓનો ઉત્સાહ જોવા મળતો હતો. કાર્યક્રમની શરૂઆત પ્રાર્થના અને દીપ પ્રાગટ્ય સાથે કરવામાં આવી હતી. શાળાના સંચાલકશ્રીઓ, શ્રી ગોપાલભાઈ ત્રિકમાંણી અને શ્રી હિમાંશુ ભાઈ ઠક્કરના માર્ગદર્શન હેઠળ, સંસ્થા હંમેશા વિદ્યાર્થીઓના સર્વાંગી વિકાસ માટે કટિબદ્ધ રહી છે. તેઓનું માનવું છે કે તંદુરસ્ત શરીરમાં જ તંદુરસ્ત મનનો વાસ હોય છે અને યોગ આ વિકાસનો પાયો છે.
કાર્યકારી સંચાલકશ્રીઓ શ્રી પ્રવીણભાઈ પટેલ અને શ્રી ભૌતિકભાઈ શુક્લની સક્રિય ઉપસ્થિતિ અને પ્રોત્સાહનને લીધે સમગ્ર વાતાવરણ સકારાત્મક ઉર્જાથી ભરાઈ ગયું હતું. તેમણે વિદ્યાર્થીઓને સંબોધતા જણાવ્યું હતું કે, “યોગ એ કોઈ એક દિવસ માટે નથી, પરંતુ તેને જીવનશૈલીનો ભાગ બનાવવો જોઈએ.”
કાર્યક્રમનું મુખ્ય આકર્ષણ શાળાના LKG, UKG અને બાલવાટિકાના નાના ભૂલકાઓ હતા. આ કુમળી વયના બાળકોએ ખૂબ જ સરળતાથી વિવિધ યોગાસનો અને પ્રાણાયામ કરીને સૌને મંત્રમુગ્ધ કરી દીધા હતા. ત્યારબાદ ધોરણ 1 થી 12 ના વિદ્યાર્થીઓએ પણ તજજ્ઞોના માર્ગદર્શન હેઠળ સૂર્યનમસ્કાર, અનુલોમ-વિલોમ, ભ્રામરી પ્રાણાયામ અને વિવિધ આસનોનો અભ્યાસ કર્યો હતો. વિદ્યાર્થીઓની શિસ્ત અને એકાગ્રતા જોઈને શાળાના શિક્ષકો ગર્વ અનુભવતા હતા.
શાળાના આચાર્યશ્રી અશ્વિનભાઈ ગોહિલની વિશેષ ઉપસ્થિતિમાં આ કાર્યક્રમ વધુ શોભી ઉઠ્યો હતો. આચાર્યશ્રી અશ્વિનભાઈ ગોહિલે પોતે પણ વિદ્યાર્થીઓની સાથે યોગાસનોમાં સક્રિય ભાગ લીધો હતો. એક કુશળ આચાર્ય તરીકે તેમનું માનવું છે કે જ્યારે શિક્ષકો અને વડા પોતે આદર્શ સ્થાપિત કરે છે, ત્યારે વિદ્યાર્થીઓ તેને વધુ સારી રીતે અનુસરે છે. આચાર્યશ્રી અશ્વિનભાઈ ગોહિલના પ્રોત્સાહન હેઠળ, શાળાના શિક્ષકોએ પણ ખૂબ જ ઉત્સાહ સાથે આ કાર્યક્રમમાં જોડાઈને વિદ્યાર્થીઓને યોગના લાભો અને તેની યોગ્ય પદ્ધતિઓ સમજાવવામાં મહત્વની ભૂમિકા ભજવી હતી.
યોગ દિવસની આ ઉજવણી માત્ર એક કાર્યક્રમ બનીને ન રહી ગઈ, પરંતુ તે V-CUBE પરિવારમાં એક નવી ઉર્જાનો સંચાર કરી ગઈ. વિદ્યાર્થીઓના ચહેરા પર દેખાતી તેજસ્વિતા અને ઉત્સાહ એ સાબિત કરે છે કે આજના બાળકો પોતાની સંસ્કૃતિ પ્રત્યે જાગૃત છે. યોગાભ્યાસ બાદ, વિદ્યાર્થીઓને યોગના નિયમિત અભ્યાસના મહત્વ વિશે માર્ગદર્શન આપવામાં આવ્યું હતું અને તેમના દ્વારા કરવામાં આવેલા વિવિધ આસનોનું પ્રદર્શન પણ યોજાયું હતું.
અંતમાં, વ્રજેન્દ્ર વિદ્યા વિહાર સ્કૂલના તમામ સંચાલકો, આચાર્યશ્રી અશ્વિનભાઈ ગોહિલ, શિક્ષકો અને વહાલા વિદ્યાર્થીઓના સામૂહિક પ્રયાસોથી આ કાર્યક્રમ અભૂતપૂર્વ સફળ રહ્યો. આ ઉજવણીનો મુખ્ય ઉદ્દેશ્ય નવી પેઢીને શારીરિક રીતે સશક્ત અને માનસિક રીતે સંતુલિત બનાવવાનો હતો, જેમાં અમે સફળ રહ્યા છીએ. યોગ દિવસના આ પવિત્ર અવસરે ચાલો આપણે સૌ પ્રતિજ્ઞા લઈએ કે યોગને આપણા જીવનનો અનિવાર્ય હિસ્સો બનાવીશું અને સ્વસ્થ રાષ્ટ્રના નિર્માણમાં યોગદાન આપીશું.
#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #AshvinGohil #yog #yoga #v-Cube #vrajendraVidyaVihar-Dhrangadhradhra #Dhrangadhradhra #ahmedaba
