- તા.1 લી જાન્યુઆરીથી રાજયની તમામ જિલ્લા કોર્ટોમાં એ – 4 સાઇઝનો કાગળ જ ફરજિયાત વાપરવો પડશે.
- રાજયની તમામ જિલ્લા અદાલતો – કોર્ટોમાં એ – ર4 સાઇઝનો કાગળ જ ફરજિયાત વાપરવાના કારણે તેનો ઉપયોગ અનેકગણો વધી જશે
અમદાવાદ: 27 ડિસેમ્બર 2025:
ગુજરાત હાઇકોર્ટ દ્વારા નવો એક પરિપત્ર જારી કરી હવેથી ગુજરાત રાજયની તમામ જિલ્લા અદાલતો-કોર્ટોમાં તમામ પ્રકારની પિટિશન, એફિડેવીટ, એપ્લીકેશન, ઓર્ડર, જજમેન્ટ વગેરે એ-૪ સાઇઝના પેપર પર જ દાખલ કરવાનું કડક ફરમાન જારી કર્યું છે. રાજયની તમામ જિલ્લા અદાલતો માટે લાગુ પાડવામાં આવેલ આ નિયમની અમલવારી તા.૧ લી જાન્યુઆરી, ૨૦૨૬થી કરવી પડશે. બીજીબાજુ, હાઇકોર્ટ સહિત રાજયની તમામ જિલ્લા અદાલતો અને સંબંધિત કોર્ટોમાં તમામ પિટિશન, એફિડેવીટ, એપ્લીકેશન, ઓર્ડર અને જજમેન્ટ વગેરે એ-૪ સાઇઝના પેપર પર જ દાખલ કરવાની નવી સીસ્ટમના કારણે વર્ષે દહાડે લાખો-કરોડો રૃપિયાનો એ-૪ સાઇઝનો કાગળ વપરાશે. તેનો ઉપયોગ અનેકગણો વધીજશે., જેના કારણે તેનું ઉત્પાદન પણ વધશે.
હાઇકોર્ટ દ્વારા અગાઉ તા.૨૫-૧૦-૨૦૨૫ના પરિપત્રમાં ફોન્ટ સહિતની કેટલીક બાબતોના ફેરફાર સાથે આ નવો પરિપત્ર જારી કરવામાં આવ્યો છે. કારણ કે, અગાઉ જે ફોન્ટનો ઉલ્લેખ કરાયો હતો તે આઉટડેટેડ અને યુનિકોડ સક્ષમ નહી હોવાના કારણે ટેકનીકલ સમસ્યાઓ આવતી હતી. તેથી હવે ફોન્ટમાં લઇને મહત્વનો બદલાવ કરી કેટલીક બાબતોમા સુધારા સાથે નવો પરિપત્ર જારી કરાયો છે. પરિપત્રમાં ચોક્કસ સાઇઝના એ-૪ પેપરના ઉપયોગની સાથે સાથે તેની કવોલિટી, ગુજરાતી ફોન્ટ, અંગ્રેજી ફોન્ટ, લાઇન સ્પેસીંગ સહિતની બાબતોનો પણ ખાસ ઉલ્લેખ કરાયો છે અને તે મુજબ, તા.૧-૧-૨૦૨૬થી ફરજિયાતપણે અમલવારી કરવાની રહેશે.
પેપરની વિગત જોઇએ તો, એ ૪ સાઇઝ(૨૯.૭ સીએમ બાય ૨૧ સીએમ), કવોલિટી ઓછામાં ઓછુ ૭૫ જીએસએમ પ્રકારની હોવી જોઇશે, બંને બાજુ પ્રિન્ટીંગ શકય રહેશે, ગુજરાતી ફોન્ટ (યુનિકોડ જ માત્ર), ફોન્ટ સાઇઝ ૧૬, ઇંગ્લેશી ફોન્ટ (ટીએનઆર-ટાઇમ્સ ન્યુ રોમન), ઇગ્લીશ ફોન્ટ સાઇઝ ૧૪, લાઇન સ્પેસીંગ ૧.૫(કવોટેશન અને ઇન્ડેન્ટ મેટર માટે), તેમાં ફોન્ટ સાઇઝ ૧૨ અને લાઇન સ્પેસીંગલ સીંગલ રાખવાની રહેશે. ઉપરાંત ડાબે-જમણે ચાર સીએમનું અને ઉપર નીચે ૨ સીએમનું માજન રાખવાનું રહેશે. ગુજરાત રાજયની તમામ જિલ્લા અદાલતોમાં એ-૪ સાઇઝના પેપર સહિતની ઉપરોકત નિયમો અને નિર્દેશોની તા.૧ લી જાન્યુઆરી, ૨૦૨૬થી અમલવારી કરવાની રહેશે.
દરમ્યાન આ અગે ગુજરાત બાર કાઉન્સીલની ફાયનાન્સ કમીટીના ચેરમેન અનિલ સી.કેલ્લાએ જણાવ્યું હતું કે, નીચલી કોર્ટોમાં અત્યાર સુધી લીગલ સાઇઝ, એ-૪ સાઇઝ સિવાયની મોટી સાઇઝમાં પણ ફાઇલીંગ થતુ હતુ. પિટિશનની મુખ્ય કોપી લેજર પેપર પર થતી હતી. કોઇપણ અરજી કે, ફરિયાદ તથા સોગંદનામા કોઇપણ સાઇઝમાં ફાઇલ થઇ શકતા હતા. જો કે, હવે હાઇકોર્ટના પરિપત્રના કારણે એ-૪ સાઇઝ પેપર, ફોન્ટ, માજન, લાઇન સ્પેસીંગ સહિતની તમામ બાબતોમાં ચોકસાઇ, બારીકાઇ અને એકસમાનતા જળવાશે. કોર્ટોમાં પેપરલેસ સીસ્ટમ, ઇ-કોર્ટ સીસ્ટમ ફ્રેન્ડલી, પીડીએફ સ્કેનીંગ, ઓનલાઇન ફાઇલીંગ અને ભવિષ્યમાં ડીજીટલ રેકોર્ડને ધ્યાનમાં રાખીને ગુજરાત હાઇકોર્ટ દ્વારા આ નિર્ણય લેવાયો છે.
હવેથી ગુજરાત હાઇકોર્ટ સહિત રાજયની તમામ જિલ્લા અદાલતોમાં ચોક્કસ પ્રકારના અને ચોક્કસ નિયમો સાથેના એ-ફોર સાઇઝના પેપર અને ફાઇલીંગની નવી સીસ્ટમ તમામ વકીલો, લીટીગન્ટ્સ(પક્ષકારો), કોર્ટ સ્ટાફ, ડ્રાફ્ટીંગ કરનાર તમામ વ્યકિતઓ અને જયુડીશીયલ ઓફિસર્સ માટે બહુ મહત્ત્વનો નિર્ણય બની રહેવાનો છે એમ ગુજરાત બાર કાઉન્સીલની ફાયનાન્સ કમીટીના ચેરમેન અનિલ સી.કેલ્લાએ ઉમેર્યું હતું.
#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #A-4 sizepapermandatoryindistrict courts #DistrictCourts #Courts #GujaratHighCourt #A-4 sizepapermandatory #trending #ahmedaba
