નીતા લીંબાચીયા
11 જાન્યુઆરી, 2023:
મધ્યપ્રદેશ ટુરિઝમ બોર્ડે 17મા પ્રવાસી ભારતીય દિવસ નિમિત્તે ઈન્દોરના બ્રિલિયન્ટ કન્વેન્શન સેન્ટર ખાતે એમપી ટુરીઝમ પેવેલિયન ખાતે ગ્લોબલ ઓર્ગેનાઈઝેશન ઓફ પીપલ ઓફ ઈન્ડિયન ઓરિજીન (ગોપીઓ)ના 8 કન્ટ્રી ચેપ્ટર્સ સાથે એમઓયુ પર હસ્તાક્ષર કર્યા. જેમાં ફ્રાન્સ મેટ્રોપોલ પેરિસ, મોરિશિયસ, રિયુનિયન આઇલેન્ડ, માર્ટીનિક, શ્રીલંકા, ગોપિયો ઇન્ટરનેશનલ, મલેશિયા અને મોરિશિયસ સાથે કરવામાં આવ્યું હતું. એમઓયુ પર પ્રવાસન અને સંસ્કૃતિના અગ્ર સચિવ અને મેનેજિંગ ડિરેક્ટર ટુરિઝમ બોર્ડ શ્રી શિવ શેખર શુક્લાએ પ્રવાસન બોર્ડ વતી અને જીઓપીઆઈઓના 8 દેશના પ્રમુખોએ હસ્તાક્ષર કર્યા.
અગ્ર સચિવ શ્રી શુક્લાએ જણાવ્યું હતું કે, આ એમઓયુ મધ્યપ્રદેશ અને પ્રવાસન ક્ષેત્ર વચ્ચે વધુ સહકાર સ્થાપિત કરવા અને મધ્યપ્રદેશમાં પ્રવાસન સ્થળોને પ્રોત્સાહન આપવા અને પ્રચાર-પ્રસારના ઉદ્દેશ્ય સાથે કરવામાં આવ્યો છે. આ સંશોધન, પ્રમોશન અને પ્રવાસન વિકાસમાં સહકારને મજબૂત કરવાનો, પ્રોત્સાહન આપવાનો અને વિકાસ કરવાનો પણ પ્રયાસ કરશે. અગ્ર સચિવ શ્રી શુક્લાએ જણાવ્યું હતું કે ભારતીય મૂળની દરેક વ્યક્તિ વાસ્તવમાં દેશના સાંસ્કૃતિક રાજદૂત છે. તેમણે તમામ પ્રવાસી ભારતીયોને વિદેશમાં ભારતની સંસ્કૃતિનો પ્રચાર કરવા અપીલ પણ કરી હતી.
આ પ્રસંગે બોલતા, જીઓપીઆઈઓ ફ્રાન્સના પ્રમુખ શ્રી રાજારામ મુનુસ્વામીએ જણાવ્યું હતું કે એમઓયુ બંને દેશો માટે ફળદાયી સંબંધો માટે માર્ગ મોકળો કરશે. આ એમઓયુ મધ્યપ્રદેશ પ્રવાસન અને ફ્રેન્ચ ભાષી પ્રદેશો વચ્ચેના વર્તમાન બંધનને વધુ મજબૂત બનાવશે.
#bharatmirror #bharatmirror21 #news #mptourismboard #pbd2023 #ahmedabad
