અશ્વિન લીંબાચીયા, અમદાવાદ
23 એપ્રિલ 2022:
અમદાવાદ, 14મી એપ્રિલ, 2022: ચાર્ટર્ડ એકાઉન્ટન્ટ (સીએ), કંપની સેક્રેટરી (સીએસ) અને કોસ્ટ એન્ડ મેનેજમેન્ટ એકાઉન્ટ (સીએમએ) કોર્સિસમાં અનુભવી શિક્ષકો દ્વારા કોન્સેપ્ટ આધારિત અભ્યાસની ટેકનીક દ્વારા વિદ્યાર્થીઓને તેમના સપના સાકાર કરવામાં મદદરૂપ અને દેશભરમાં પ્રખ્યાત જેકે શાહ ક્લાસિસે આજે અમદાવાદના નિકોલ વિસ્તારમાં નવા સેન્ટર ઓફ એક્સલન્સનું ઉદ્ઘાટન કર્યું હતું.
આ પ્રસંગે મુખ્ય અતિથિ તરીકે જાણીતા મોટિવેશનલ સ્પીકર અને શિક્ષણવિદ સંજય રાવલ,
જોઈન્ટ સીઈઓ જેકે શાહ ક્લાસીસ સીએ પૂજા શાહ, સીએ કરીમ લાખાણી, સીએમએ અલ્પેશ દેસાઈ, જેકે શાહ ક્લાસિસના પ્રોફેસર સહિત, શિક્ષણક્ષેત્રના અગ્રણીઓ અને શિક્ષકોની ઉપસ્થિતિમાં આજે નિકોલ બ્રાન્ચનું ઉદ્ઘાટન કરવામાં આવ્યું હતું.
મોટિવેશનલ સ્પીકર અને શિક્ષણવિદ સંજય રાવલે જણાવ્યું હતું કે, નિકોલમાં જેકે શાહ ક્લાસિસની 72મી બ્રાન્ચની શરૂઆત અંગે મારા અભિનંદન. આજે લગભગ તમામ ક્ષેત્રોમાં સીએની જરૂર છે ત્યારે જેકે શાહે આપણા દેશને હજારો સીએ આપ્યાં છે. કોમર્સમાં અભ્યાસ કરતાં અને સીએ તરીકેની સફળ કારદિર્દી બનાવવા ઇચ્છુક તમામ વ્યક્તિઓ જેકે શાહ ક્લાસિસની મદદથી સખત મહેનતથી તેમના ઉજ્જવળ ભવિષ્યનું નિર્માણ કરી શકશે. તેમણે નિરાશ થવું પડશે નહીં તેવો મને વિશ્વાસ છે.
ઉલ્લેખનીય છે કે સમગ્ર ભારત અને વિશેષ કરીને ગુજરાતમાં ધોરણો 12ના અભ્યાસ બાદ મોટી સંખ્યામાં વિદ્યાર્થીઓ તેમની ઉજ્જવળ કારકિર્દીના નિર્માણ માટે સીએ, સીએસ અને સીએમએ જેવાં પ્રોફેશ્નલ કોર્સિસ પ્રત્યે વધુ ઝુકાવ ધરાવે છે. જોકે, આ ક્ષેત્રોમાં સફળતાની નીચી ટકાવારીને ધ્યાનમાં લેતાં શિસ્તબદ્ધ તૈયારી અને નિષ્ણાંત શિક્ષકોના માર્ગદર્શન વિદ્યાર્થીઓની સફળતામાં મહત્વપૂર્ણ ભૂમિકા ભજવે છે. જેકે શાહ ક્લાસિસ તેના સુઆયોજિત અને કાળજીપૂર્વક તૈયાર કરાયેલા અભ્યાસક્રમ તથા અનુભવી શિક્ષકોની ટીમ માટે હંમેશાથી જાણીતું રહ્યું છે. ક્લાસિસમાં અભ્યાસ કરનાર વિદ્યાર્થીઓની સફળતાનો ઉંચો દર તેના ગુણવત્તાયુક્ત શિક્ષણનો પુરાવો છે.
#bharatmirror #bharatmirror21 #news #jkshahclassis #ahmedabad
