ભારતના સૌથી મોટા ડિજિટલ-ફર્સ્ટ સંગીત પ્રતિભા શોધ કાર્યક્રમનું આયોજન
· એક અવાજ જે આખા દેશને ગુંજાવશે: વિજેતા ‘વોઇસ ઓફ ધ નેશન’ અને ‘વોઇસ ઓફ બજાજ’ બનશે દિગ્ગજ ત્રિમૂર્તિ શંકર-અહેસાન-લોય સાથે મળી બજાજની સોનિક ઓળખ (sonic identity) રચશે.
· ડિજિટલ રીતે ભારતના દરેક ખૂણેથી એક જ મંચ પર : 60,000થી વધુ ઉમેદવારોને ડિજિટલ-ફર્સ્ટ પ્લેટફોર્મ દ્વારા શોધવામાં આવ્યા, જે લોકોની પહોંચ વધારે છે, ભૌગોલિક મર્યાદાઓ તોડે છે અને નવી તકઓ ઉભી કરે છે.
· બજાજ ધુનિવર્સ – બજાજ ફિનસર્વની ભારતની આશાઓને પ્રોત્સાહિત કરવા પ્રતિબદ્ધ છે: દરેક ક્ષેત્રમાં એક સ્ટાર પરફોર્મર ઉભો કરવો, જેમાં સંગીત પણ એક મહત્વપૂર્ણ ક્ષેત્ર છે.
પથિક લીંબાચિયા, અમદાવાદ:
27 માર્ચ 2026:
ડિજિટલ-ફર્સ્ટ સંગીત પ્રતિભા પ્લેટફોર્મ ‘બજાજ ધુનિવર્સ’ના ગ્રાન્ડ સમાપનની જાહેરાત કરી છે, જેનું ફિનાલે 31 માર્ચે મુંબઈમાં યોજાશે. આ કાર્યક્રમ દરમિયાન દિગ્ગજ સંગીતકાર ત્રિમૂર્તિ શંકર-અહેસાન-લોયની હાજરીમાં ‘વોઇસ ઓફ ધ નેશન’ની જાહેરાત કરવામાં આવશે.
છેલ્લા છ મહિનામાં બજાજ ધુનિવર્સ સંગીત પ્રતિભાની શોધ માટે વિશ્વસનીય અને ટેકનોલોજી આધારિત પ્લેટફોર્મ તરીકે ઉભરી આવ્યું છે. આ પ્લેટફોર્મ મારફતે મેટ્રો શહેરોથી લઈને અંતરિયાળ વિસ્તારો સુધીના 60,000થી વધુ ઉમેદવારોને ઑડિયો અને વીડિયો સબમિશન દ્વારા ઓડિશન આપવાની તક મળી અને તેમને શંકર-અહેસાન-લોય દ્વારા શોધવામાં આવ્યા છે.
ગ્રાન્ડ ફિનાલેમાં દસ ફાઇનલિસ્ટ્સ અને એક વાઇલ્ડ-કાર્ડ દ્વારા લાઇવ પરફોર્મન્સ રજૂ કરવામાં આવશે. જે બધાને સંગીતકાર શંકર-અહેસાન-લોય દ્વારા પસંદ કરવામાં આવ્યા છે. વિજેતાને શંકર-અહેસાન-લોય સાથે મળીને બજાજની સોનિક ઓળખ (sonic identity) તૈયાર કરવાની તક મળશે તેમજ ઝી મ્યુઝિક કંપની સાથે એક સ્વતંત્ર આલ્બમ બનાવવા માટેની તક મળશે.
ડિજિટલ પ્લેટફોર્મના પ્રેસિડેન્ટ માનવ મિઆનવાલે જણાવ્યું કે, “અમે દેશ અને આપણા લોકો પ્રત્યેની જવાબદારીરૂપે એવા પ્લેટફોર્મ્સમાં રોકાણ કરવાનું જરૂરી માનીએ છીએ, જે પ્રતિભાને પ્રોત્સાહન આપે અને નવા રોલ મોડલ્સ ઉભા કરે. અમે પરફોર્મિંગ આર્ટ્સ, રમતગમત, ટેકનોલોજી અને સંસ્કૃતિ જેવા વિવિધ ક્ષેત્રો માટે પણ આ પ્લેટફોર્મ્સમાં સતત રોકાણ કરી રહ્યા છીએ. બજાજ ધુનિવર્સ અમારી લાંબા ગાળાની પ્રતિબદ્ધતાઓમાંનું એક છે. પ્રથમ વર્ષમાં મળેલા અદભૂત પ્રતિસાદે અમને બીજા વર્ષે આ પહેલને વધુ મોટી અને ઉત્તમ બનાવવાની પ્રેરણા અને હિંમત આપી છે.
શંકર મહાદેવને આ પહેલ વિશે વાત કરતા જણાવ્યું કે, “બજાજ ધુનિવર્સ વિશે મને સૌથી ખાસ એ લાગ્યું કે તેઓ ભારતના દરેક ખૂણામાંથી સંગીત પ્રતિભાને શોધવા અને તેને આગળ લાવવા માગે છે. ડિજિટલ-ફર્સ્ટ અભિગમે ભાગીદારીને ખરેખર સર્વસમાવેશક બનાવી છે, જેના કારણે અનેક ઉત્તમ સિંગર સામે આવ્યા છે, જે ખુબ સારી પ્રતિભા ધરાવે છે.”
“મૂલ્યાંકન દરમિયાન અમે જે વિવિધતા, ઊંડાણ અને પ્રતિબદ્ધતા જોઈ તે અસાધારણ હતી. દેશભરમાંથી મળતી પ્રતિભાની ગુણવત્તા ખરેખર પ્રેરણાદાયી રહી છે.”
લોય મેન્ડોસાએ કહ્યું, “ભારતમાં હંમેશા વિશાળ સંગીત પ્રતિભા રહી છે. બજાજ ધુનિવર્સે એવું પ્લેટફોર્મ બનાવ્યું છે જ્યાં સંગીતકારો આગળ આવી શકે અને તેમને શોધી પણ શકાય છે. આ એક ખૂબ જ સંતોષકારક અનુભવ રહ્યો અને હું ફિનાલેની આતુરતાથી રાહ જોઈ રહ્યો છું.”
#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #BajajFinservDhuniverse #Shankar-Ehsaan-Loy #VoiceofNation #One of India’s largest digital-first music talent searches to discover its winner #ahmedaba
