નીતા લીંબાચીયા, અમદાવાદઃ
14 માર્ચ, 2023:
સમગ્ર ભારતમાં “હેપ્પી પીરિયડ્સ” અંતર્ગત માસિક સ્વાસ્થ્ય પહેલ માટે એપેક્સન અને કર્મા ફાઉન્ડેશન સાથે મળીને
મહિનાઓ સુધી ચાલતી દેશવ્યાપી વિતરણ અભિયાનમાં ભારતના 75થી વધુ શહેરોમાંથી 10,000થી વધુ મહિલાઓ અને 500,000થી વધુ યુવતીઓને વધુ સેનિટરી પેડ્સનું વિતરણ કરશે.
એપેક્સન એક ડિજિટલ-પ્રથમ ટેક્નોલોજી સેવા કંપની કે જે સમગ્ર ભારતમાં માસિક ધર્મની જાગૃતતા, હેલ્થ સંબધિત સુખાકારી અને હાઈજીન અંગે જાગૃતિ લાવવા માટે એક અનન્ય ઝુંબેશ શરૂ કરવા કર્મા ફાઉન્ડેશન સાથે ભાગીદારી કરી રહી છે. “હેપ્પી પીરિયડ્સ” પહેલ એપેક્સનના પરોપકારી પ્લેટફોર્મ, ઇગ્નાઇટ દ્વારા ચલાવવામાં આવી રહી છે અને સમગ્ર ભારતમાં આર્થિક રીતે અશક્ત મહિલાઓને સેનિટરી પ્રોડક્ટ્સનું ઉત્પાદન અને વિતરણ કરવા માટે બંને સંસ્થાઓ જોડાશે.
અમદાવાદમાં આ માટે કાર્યક્રમનું આયોજન થયું હતું. શાળાની યુવતીઓને આ કાર્યક્રમમાં 5000થી વધુ સેનિટરી પેડ્સ આપવામાં આવ્યા હતા. આ કાર્યક્રમમાં સુશ્રી મેઘા તેવર – DySp તથા સુશ્રી શર્મિષ્ઠા ચૌધરી – PSI તથા શ્રી કે એમ પ્રિયદર્શી – PSI તથા ચિરંજીવ પટેલ – ફાઉન્ડર, કર્મા ફાઉન્ડેશન તથા પ્રકાશ પુરોહિત – CSR કન્સલ્ટન્ટ, કર્મા ફાઉન્ડેશન
તથા નિકિતા શાહ – સીઈઓ, કર્મા ફાઉન્ડેશન તથા આરજે પૂજા દલાલ ધોળકિયા – સ્થાપક, ગુજરાતી બુક ક્લબ – કર્મા ફાઉન્ડેશન તથા ડૉ અશોક કરણિયા વાઇસ પ્રેસિડેન્ટ ગ્લોબલ એલાયન્સ, એપેક્સન તથા શ્રીમતી ગીતાંજલિ સહાની – પ્રોગ્રામ મેનેજર, એપેક્સન સહિતના મહાનુભાવો ઉપસ્થિત રહ્યા હતા. જેમને જરૂરી માહિતી આપી હતી.
હેપ્પી પીરિયડ્સ સેનેટરી પેડ્સ વિતરણ ડ્રાઈવ એ અંતથી-અંતની પહેલ છે જેમાં સેનિટરી પેડ્સનું ઉત્પાદન અને વંચિત વિસ્તારોમાં મહિલાઓને મફત સેનિટરી પેકેટનું વિતરણ, માસિક સ્વાસ્થ્ય સંબધી જાગૃતતા માટે શૈક્ષણિક સામગ્રી તેમજ વિવિધ સેશનના કાર્યક્રમો થકી જાગૃતતા લાવવામાં આવી રહી છે. આંતરરાષ્ટ્રીય મહિલા દિવસ બાદ તેના અનુસંધાનમાં આ પહેલ સમગ્ર માર્ચ મહિનામાં થશે.
આ પહેલથી ગરીબ સમુદાયની 10,000 મહિલાઓ અને છોકરીઓને ફાયદો થશે. ગુજરાત, મહારાષ્ટ્ર, મધ્યપ્રદેશ, ઉત્તર પ્રદેશ, પશ્ચિમ બંગાળ, ગોવા, રાજસ્થાન, ઓડિશા, ઝારખંડ, બિહાર, છત્તીસગઢ, આંધ્રપ્રદેશ, કર્ણાટક, તમિલનાડુ, તેલંગાણા, કેરળ, હિમાચલ પ્રદેશ, દિલ્હી, પંજાબ, હરિયાણા, પોંડિચેરી અને ચંદીગઢ સહિત ભારતના કેટલાક રાજ્યોમાં કર્મા અને ઇગ્નાઇટ સ્વયંસેવકો દ્વારા કુલ 62,500થી વધુ પેકેટ અપાશે. જેમાં પ્રત્યેકમાં આઠ સેનેટરી પેડનો સમાવેશ થાય છે. આ તમામ પેકેટ વિતરિત કરવામાં આવશે.
સાબરમતી સહેલી પેડ્સ દ્વારા પણ તમામ પાર્ટનર શાળાઓ, એનજીઓ અને તમામ એપેક્સર્સ પણ આપવામાં આવશે. જેઓ તેમને આગળ સ્થાનિક સમુદાયમાં વિતરિત કરશે.
સાબરમતી મહિલા જેલની મહિલા કેદીઓ દ્વારા ‘સાબરમતી સહેલી’ સેનેટરી પેડ્સનું ઉત્પાદન કરવામાં આવે છે. જે કેદીઓ સમાજમાં સકારાત્મક યોગદાન આપીને તેમની ભાવિ કારકિર્દી માટે મહત્વપૂર્ણ કૌશલ્યો શીખી શકે છે. ઇગ્નાઇટ અને કર્મા ફાઉન્ડેશનનો હેતુ વિવિધ તાલીમ પ્રવૃત્તિઓ દ્વારા અમદાવાદની સાબરમતી જેલ ખાતે 60થી વધુ કેદીઓને ગૌરવ, વ્યાવસાયિક કૌશલ્ય અને નાણાકીય તકો પ્રદાન કરવાનો છે.
એપેક્સન ઇગ્નાઇટના હેડ અશોક કરણિયાએ જણાવ્યું હતું કે, “માસિક સ્વાસ્થ્યને આજે પણ અવગણવામાં આવે છે અને બધી સ્ત્રીઓ ભારતમાં આવશ્યક માસિક સંબધી હાઇજિન અને આરોગ્ય માટેના મહત્વપૂર્ણ સંસાધનો અને જાગૃતિ સુધી પહોંચવામાં સક્ષમ નથી. તેમણે કહ્યું કે, “એપેક્સન ઇગ્નાઇટની હેપ્પી પીરિયડ્સ” પહેલનો ઉદ્દેશ્ય આ અંતરને દૂર કરવાનો અને હજારો મહિલાઓને શરમમાંથી બહાર કાઢવાનો છે અને તેમને તેમના માસિક અને તેના સંબધિત લઘુતાગ્રંથી બહાર લાવીને આ માનસિકતાથી અલગ હાઈજિન સ્વાસ્થ્ય માટે વધુ સારા માર્ગ પર લાવવાનો છે.”
“વધુમાં તેમણે કહ્યું કે, ખાસ કરીને સાબરમતી જેલની મહિલા કેદીઓ પર ગર્વ છે જેમણે આ પેડ્સ બનાવ્યા છે. આ મહિલાઓને વ્યાવસાયિક તાલીમ આપવા અને તેમને બહાર નીકળ્યા પછી આર્થિક અને નાણાકીય રીતે પગભર થવા સ્વતંત્રતા મળી રહેશે. સાબરમતી સહેલી કાર્યક્રમની સફળતાથી અમે ખુશ છીએ જેના થકી મહિલાઓનું સ્વાસ્થ્ય જળવાઇ રહે છે,”
તેમણે વધુમાં ઉમેર્યું હતું કે, “એપેક્સનની તેમના સમર્થન માટે પ્રશંસા કરતા, સુશ્રી પ્રિયાંશીજી કર્મા ફાઉન્ડેશનના સ્થાપકે કહ્યું હતું કે, “એપેક્સન્સ ઇગ્નાઇટ સાથે આ પહેલ પર કામ કરવું ખૂબ જ સારું રહ્યું છે. અમે અવેર નથી તેવા વિસ્તારોના લોકોના જીવનને સુધારવાના અમારા ઉદ્દેશ્યમાં સંપૂર્ણ રીતે જોડાયેલા છીએ અને તે અમારા માસિક જાગૃતિ અભિયાન સાથે ખૂબ જ સારી રીતે જોડાયેલું છે. અમે તમામ ઇગ્નાઇટ અને કર્મા સ્વયંસેવકોને આ મહત્વપૂર્ણ પહેલને સફળ બનાવવામાં તેમના સમર્થન માટે આભાર માનીએ છીએ.”
ઇગ્નાઈટ વિશે:
ઇગ્નાઈટ એ આ પ્રકારે સમુદાય અને કારણોને મદદ કરવા માટે એપેક્સનનું પરોપકારી પ્લેટફોર્મ છે. તે સામાજિક પરિવર્તન લાવવા અને કાયમી અસરકારક છાપ છોડતું એક મિશન છે. અમે રાષ્ટ્રના પ્રગતિશીલ ભાવિ માટે સુરક્ષિત વાતાવરણનું નિર્માણ કરવા માટે એક જ પ્લેટફોર્મ નીચે વિવિધ પહેલ થકી તેમનું સશક્તિકરણ અને સંવર્ધન કરીએ છીએ.
કર્મા ફાઉન્ડેશન વિશે:
કર્મા ફાઉન્ડેશન એ સમાજની મોટા પાયે સેવા કરે છે. તેમાં સ્ત્રીઓ, પુરુષો, બાળકો અથવા પરિવારોનો સમાવેશ થાય છે. અમે રાષ્ટ્રના પ્રગતિશીલ ભાવિ માટે સુરક્ષિત વાતાવરણનું નિર્માણ કરવા માટે એક પ્લેટફોર્મ નીચે વિવિધ પહેલો દ્વારા તેમનું સશક્તિકરણ અને સંવર્ધન કરીએ છીએ.
#bharatmirror #bharatmirror21 #news #happyperiods #apexonfoundation #karmafoundation #ahmedabad
