નીતા લીંબાચીયા, અમદાવાદ
12 જૂન 2022:
ગુજરાત ચેમ્બર ઓફ કોમર્સ એન્ડ ઈન્ડસ્ટ્રી અને જે.જી. યુનિવર્સિટી ના સંયુક્ત ઉપક્રમે આજે શિક્ષણ અને કૌશલ્ય ક્ષેત્ર સાથે સંકળાયેલા સ્ટાર્ટ-અપ્સ માટે સંપૂર્ણ દિવસનું પ્રદર્શન “EDUSKILL TECH EXPO”નું આયોજન GCCI ખાતે કરવામાં આવ્યું હતું. આ પ્રદર્શનમાં 26 સ્ટાર્ટ-અપ્સે તેમના ઉત્પાદનો અને સેવાઓનું પ્રદર્શન કર્યું હતું, જેની 500 થી વધુ લોકોએ મુલાકાત લીધી હતી. આ સ્ટાર્ટ-અપ્સ પાસે DIY રમકડાં, સ્પેસ સાયન્સ એજ્યુકેશન માટેના સાધનો, ગેમ-આધારિત લર્નિંગ માટેની એપ્લિકેશન, AI આધારિત ડાયગ્નોસ્ટિક સિસ્ટમ, વિદ્યાર્થીઓ માટે શિક્ષણમાં સહાયરૂપ પ્લેટફોર્મ, કૌશલ્યવર્ધન માટેનું સોફ્ટવેર, બૌદ્ધિક વિકાસ માટેના સાધનો, સ્ટોક માર્કેટ ટ્રેડિંગ એપ્લિકેશન,ફાર્માસ્યુટિકલના વિદ્યાર્થીઓ માટે એપ્લિકેશન સહિતની અનન્ય અને નવીન પ્રોડક્ટ્સ હતી.
પ્રદર્શન પછી “સ્ટાર્ટ-અપ્સ દ્વારા ઇનોવેશન દ્વારા શિક્ષણ-કૌશલ્ય ક્ષેત્રમાં પરિવર્તન” વિષય પર ચર્ચા-સત્ર યોજવામાં આવ્યું હતું. શ્રી એમ. નાગરાજન, IAS, કમિશનર, ઉચ્ચ શિક્ષણ આ સત્રના મુખ્ય મહેમાન હતા અને, ડૉ. હિમાંશુ પંડ્યા, વાઇસ ચાન્સેલર, ગુજરાત યુનિવર્સિટી, શ્રી હિરન્મય મહંતા – CEO, i-Hub, શ્રી ડી.આર. પરમાર, જોઈન્ટ કમિશનર ઑફ ઈન્ડસ્ટ્રીઝ, ડૉ. સી.એ.અચ્યુત દાણી, ડાયરેક્ટર જનરલ અને પ્રોવોસ્ટ, જે.જી. યુનિવર્સિટી અતિથિ વિશેષ તરીકે ઉપસ્થિત રહ્યા હતા. જીસીસીઆઈના પ્રમુખ શ્રી હેમંતભાઈ શાહે કાર્યક્રમમાં તમામ મહાનુભાવોનું સ્વાગત કર્યું હતું. તેમણે જણાવ્યું કે સ્ટાર્ટ-અપ્સને પ્રોત્સાહન આપવાના ઉદ્દેશ્યની આ એક નાની શરૂઆત છે અને એ પણ ઉલ્લેખ કર્યો કે સ્ટાર્ટ-અપ ફેસ્ટનું આયોજન કરવાના સ્વપ્ન તરફનું આ પહેલું પગલું છે.
GCCIના સિનિયર વાઇસ પ્રેસિડેન્ટ શ્રી પથિકભાઈ પટવારીએ એક મજબૂત શિક્ષણ ઇકોસિસ્ટમ વિકસાવવામાં ઉદ્યોગ દ્વારા ભજવવામાં આવતી મહત્વની ભૂમિકા વિશે સહભાગીઓને માહિતગાર કર્યા હતા. તેમણે નાની ઉંમરે ઇનોવેશન માટેનું અભિગમ કેળવવાના મહત્વ પર ભાર મૂક્યો હતો. શ્રી એમ. નાગરાજને આ પહેલ માટે જીસીસીઆઈના વિઝનની પ્રશંસા કરી અને જણાવ્યું કે GCCIએ તેની પ્રવૃત્તિઓનું વિસ્તાર કરેલ છે અને હવે માત્ર ઉદ્યોગ વિભાગ પૂરતું મર્યાદિત નથી. i-Hub ના CEO શ્રી હિરન્મય મહંતાએ ઉલ્લેખ કર્યો કે મજબૂત સ્ટાર્ટઅપ સિસ્ટમ બનાવવામાં સ્થાનિક ભાષા ખૂબ જ મહત્વપૂર્ણ છે. શ્રી ડી.આર. પરમાર, જોઈન્ટ કમિશનર ઑફ ઈન્ડસ્ટ્રીઝ એ સ્ટાર્ટ-અપ્સ, ઈન્ક્યુબેશન સેન્ટર અને વેન્ચર ફાઈનાન્સ સ્કીમ માટેની સરકારની નીતિઓ વિશે વાત કરી હતી.
ડો. હિમાંશુ પંડ્યા, વાઈસ ચાન્સેલર, ગુજરાત યુનિવર્સિટીએ વિચાર-મંથન કરવાની જરૂરિયાત વિશે વાત કરી અને આપણી પાસે જ્યાં અભાવ છે તેને સમજી આપણી એજ્યુકેશન ઈકોસિસ્ટમ અને સ્ટાર્ટ-અપ્સને મજબૂત કરવાનાં પગલાં વિશે વાત કરી. ડૉ. અચ્યુત દાણી, ડાયરેક્ટર જનરલ અને પ્રોવોસ્ટ,જે.જી. યુનિવર્સિટીએ ટેક્નોલોજીના મહત્વ તરફ ધ્યાન દોર્યું અને તેના કારણે શિક્ષકો અને વિદ્યાર્થીઓ બંને માટે શિક્ષણનું સ્વરૂપ કેવી રીતે બદલ્યું છે તે જણાવ્યું હતું. તેમણે સતત નવીનતા માટે સ્ટાર્ટ-અપ ઇકોસિસ્ટમની ભૂમિકા પર ભાર મૂક્યો હતો.
GCCI ની સ્ટાર્ટ-અપ કમિટીના ચેરમેન શ્રી અમિત પરીખે આભારવિધિ કરી ચર્ચા-સત્રનું સમાપન કર્યું.
આ પ્રસંગે એક Demo Day પણ યોજાયો હતો જેમાં 7 પસંદ કરેલ સ્ટાર્ટ-અપ્સે તેમના ઉત્પાદનો 12 જાણીતા રોકાણકારો સમક્ષ રજૂ કર્યા હતા જેમણે મેન્ટોર તરીકે ભાગ લીધો હતો.
#bharatmirror #bharatmirror21 #news #gcci #eduskilltechexpo #ahmedabad
