- ભારતનો ડાયમંડ માટેનો નવો નિયમ: માત્ર કુદરતી હીરાને જ ‘ડાયમંડ’ કહી શકાશે
- વિક્રેતાઓ ‘નેચરલ’, ‘રિયલ’, ‘જેન્યુઈન’ અથવા ‘પ્રેશિયસ’ જેવા વિશેષણોનો ઉપયોગ કરી શકશે, પરંતુ મૂળ શબ્દ ‘ડાયમંડ’ માત્ર કુદરતી હીરા માટે જ લાગુ પડશે.
- ભારતીય માનક બ્યુરો દ્વારા ગ્રાહકોના રક્ષણ માટે અને સમગ્ર ભારતમાં હીરાની દરેક ખરીદીમાં પારદર્શિતા લાવવા માટે શબ્દાવલિનું એક સ્પષ્ટ માળખું રજૂ કરવામાં આવ્યું છે .
અશ્વિન લીંબાચિયા, અમદાવાદ:
28 જાન્યુઆરી 2026:
ભારતીય રત્ન અને આભૂષણ ઉદ્યોગ લાંબા સમયથી હીરા અને તેના વિકલ્પોને વર્ણવતી ભાષામાં સ્પષ્ટતાની અછતનો સામનો કરી રહ્યો હતો. ખાસ કરીને ઑનલાઇન અને ઈ-કોમર્સ પ્લેટફોર્મ્સ પર ગૂંચવણભર્યા અને અસંગત શબ્દોના ઉપયોગને કારણે ગ્રાહકો માટે સાચો વિકલ્પ ઓળખવો મુશ્કેલ બની ગયો હતો. સત્તાવાર અને એકરૂપ ધોરણોના અભાવે, ગ્રાહકો ઘણીવાર અસમંજસમાં રહેતા હતા કે તેઓ વાસ્તવમાં શું ખરીદી રહ્યા છે.
નેચરલ ડાયમંડ કાઉન્સિલ (NDC), ભારતીય માનક બ્યુરો (BIS) દ્વારા ‘IS 19469:2025’ના અમલીકરણનો હાર્દિક સ્વીકાર કરે છે. આ નવું માનક ISO 18323:2015 – જ્વેલરી: ડાયમંડ ઉદ્યોગમાં ગ્રાહક વિશ્વાસનું સુધારેલું સંસ્કરણ છે. આ નવું માનક હીરાના શબ્દાવલિ માટે એક સ્પષ્ટ અને અમલી બનાવી શકાય તેવું માળખું સ્થાપિત કરે છે, જે કુદરતી હીરા અને લેબોરેટરી-ગ્રોન હીરા વચ્ચેનો સ્પષ્ટ તફાવત નક્કી કરે છે.
ગ્રાહકો માટે નવા માનકના ફાયદા:
- “ડાયમંડ“ની વ્યાખ્યા: હવે ‘ડાયમંડ’ શબ્દનો સ્વતંત્ર ઉપયોગ માત્ર કુદરતી હીરા માટે જ કરી શકાશે. વિક્રેતાઓ ‘નેચરલ’, ‘રિયલ’, ‘જેન્યુઈન’ અથવા ‘પ્રેશિયસ’ જેવા વિશેષણોનો ઉપયોગ કરી શકશે, પરંતુ મૂળ શબ્દ ‘ડાયમંડ’ માત્ર કુદરતી હીરા માટે જ લાગુ પડશે.
- લેબોરેટરી-ગ્રોન હીરા અંગેની સ્પષ્ટતા: માનવ-નિર્મિત હીરા માટે હંમેશા સંપૂર્ણ શબ્દપ્રયોગ — ‘લેબોરેટરી-ગ્રોન ડાયમંડ’ અથવા ‘લેબોરેટરી-ક્રિએટેડ ડાયમંડ’ — ફરજિયાત રહેશે. ‘LGD’, ‘લેબ-ગ્રોન’ અથવા ‘લેબ-ડાયમંડ’ જેવા ટૂંકા શબ્દો હવે સત્તાવાર વર્ણનમાં માન્ય નહીં ગણાય.
- ગેરમાર્ગે દોરતી ભાષા પર પ્રતિબંધ: નવું માનક લેબોરેટરીમાં તૈયાર કરાયેલા ઉત્પાદનો માટે ‘નેચર્સ’, ‘પ્યોર’, ‘અર્થ-ફ્રેન્ડલી’ અથવા ‘કલ્ચર્ડ’ જેવા ભ્રામક શબ્દોના ઉપયોગ પર પ્રતિબંધ મૂકે છે. વધુમાં, માત્ર બ્રાન્ડ નામનો ઉપયોગ કરીને, ‘લેબોરેટરી-ગ્રોન’ વિશેષણ વિના, ઉત્પાદન રજૂ કરવું અપૂરતી સ્પષ્ટતા માનવામાં આવશે.
આ વિકાસ અંગે ટિપ્પણી કરતા, નેચરલ ડાયમંડ કાઉન્સિલના મેનેજિંગ ડિરેક્ટર રિચા સિંઘે જણાવ્યું હતું કે: “આ માનક ગ્રાહકો માટે લાંબા સમયથી પ્રતિક્ષિત સ્પષ્ટતા લાવશે. જ્યારે કોઈ ગ્રાહક હીરાની ખરીદી કરે છે, ત્યારે તે જે વસ્તુ માટે નાણાં ખર્ચી રહ્યો છે તેની પારદર્શક માહિતી મેળવવાનો તેને પૂરો અધિકાર છે—અને તે પણ કોઈપણ પ્રકારની અસ્પષ્ટતા, ગેરસમજ કે ભ્રમ વગર, સંપૂર્ણ પ્રામાણિકતા સાથે.. ‘ડાયમંડ’ શબ્દની ચોક્કસ, સ્પષ્ટ અને કાયદેસરની વ્યાખ્યા નક્કી થવાથી બજારમાં ગ્રાહકોનો વિશ્વાસ વધુ મજબૂત બનશે. આ સાથે જ કુદરતી હીરાના અસલી મૂલ્ય, તેની અનન્ય ઓળખ અને તેની ગૌરવસભર પરંપરાનું સંરક્ષણ પણ અસરકારક રીતે શક્ય બનશે”
આ પહેલને વિવિધ પ્રદેશોના જ્વેલરી ઉદ્યોગ અને વેપારીઓ તરફથી વ્યાપક સમર્થન મળ્યું છે.
ઘહેના જ્વેલર્સના ડિરેક્ટર સુનીલ દતવાણીએ જણાવ્યું હતું કે: “પશ્ચિમ ભારતના રિટેલર્સ તરીકે, અમે માનીએ છીએ કે પારદર્શિતા વિકલ્પ નહીં પરંતુ જવાબદારી છે. BIS માર્ગદર્શિકા ઉદ્યોગને સ્પષ્ટ દિશા આપે છે. ગ્રાહક વિશ્વાસ મજબૂત કરવા અને કુદરતી હીરાની ગરિમા જાળવવા માટે NDC અને અન્ય ઉદ્યોગ સંસ્થાઓની ભૂમિકા પ્રશંસનીય છે.”
નેચરલ ડાયમંડ કાઉન્સિલ આ માળખાના અસરકારક અમલીકરણમાં ભારતીય માનક બ્યુરો અને ભારતીય સત્તાધિકારીઓને સહયોગ આપવા માટે હંમેશા કટિબદ્ધ છે. અસ્પષ્ટતા અને ગેરમાર્ગે દોરતી શબ્દાવલિને દૂર કરીને, ઉદ્યોગે હીરાની દરેક ખરીદીના ભાવનાત્મક અને આર્થિક મૂલ્યના રક્ષણ માટે સામૂહિક પગલું ભર્યું છે.
નેચરલ ડાયમંડ કાઉન્સિલ વિશે: નેચરલ ડાયમંડ કાઉન્સિલ (NDC) એક વૈશ્વિક, બિન-નફાકારક સંસ્થા છે, જે કુદરતી હીરા ઉદ્યોગના નૈતિક, પારદર્શક અને જવાબદાર વિકાસને પ્રોત્સાહન આપે છે. ઉદ્યોગના હિતધારકો સાથે મળીને કામ કરીને, NDC ગ્રાહકોમાં વિશ્વાસ મજબૂત કરે છે, શ્રેષ્ઠ પદ્ધતિઓને પ્રોત્સાહન આપે છે અને જાણકારી આધારિત નિર્ણય લેવામાં મદદરૂપ થાય છે. NDC અમેરિકા, ચીન, ભારત, યુએઈ અને યુરોપમાં સક્રિય રીતે કાર્યરત છે.
#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #naturaldiamonds #Indiangems #jewelry #diamond #trending #ahmedaba #grizelcarvalho #diamond
