નીતા લીંબાચિયા, અમદાવાદ.
17 મે 2024:

ગુજરાતી ફિલ્મ રીવ્યુ “ઈન્સ્યુરન્સ જીમી” એક કૌટુંબિક ડ્રામા મૂવી જેમાં ક્રાઇમ અને સસ્પેન છે. આ ફિલ્મમાં પાર્થ શુક્લા, ચેતન ધૈયા, બ્રિન્દા ત્રિવેદી,સ્વીટી મહાવડિયા અને રાગી જાની મુખ્ય ભૂમિકાઓ સાથે જોવા મળે છે. આ ફિલ્મના લેખક પ્રણવ મોદી, પાર્થ શુક્લા અને પરમેશ ઉપાધ્યાય છે. તેમજ આ ફિલ્મના દિગ્દર્શકઃ પાર્થ શુક્લા છે. આ સાથે પ્રોડ્યૂસર જીમી અસીજા અને સતીશ અસીજા છે.

“ઈન્સ્યુરન્સ જીમી” એક ડ્રામા ક્રાઇમ ફિલ્મ છે, જેમાં સમાજને ડ્રગ્સથી દૂર રહેવાનો મજબૂત સંદેશ દર્શાવે છે. ફિલ્મની શરૂઆત વીમા એજન્ટ જીમી દ્વારા થાય છે જે પાર્થ શુક્લા દ્વારા ભજવવામાં આવે છે, જે ઇન્શ્યોરન્સ આપવા માટે ગ્રાહકોને શોધે છે. આ સાથે સ્વીટી મહાવડિયા દ્વારા ખુબજ સુંદર અભિનય કરવામાં આવ્યો છે જે આ વીમા એજન્ટને અત્યંત પ્રેમ કરે છે.એજન્ટનો એક નાનો ભાઈ પણ તેની સાથે રહે છે તેનું નામ છે વિવાન . તેમના ભાઈના જન્મદિવસ પર, બંને રાત્રિભોજન માટે બહાર ગયા હતા અને કારમાં ઘરે પાછા ફરતી વખતે તેઓનો અકસ્માત થયો હતો અને કમનસીબે, વ્યક્તિનું મૃત્યુ થયું હતું.પોલીસ તપાસ શરૂ કરે છે અને ત્યાંથી સસ્પેન્સ ગુનાની વાર્તા શરૂ થાય છે.

વાર્તાનો ક્લાઈમેક્સ સારો છે અને ફિલ્મના અંતમાં સમાજ માટે ખાસ કરીને ગુજરાતમાં ડ્રગ્સના દુષણને રોકવા માટે એક મજબૂત સંદેશ છે. પાર્થ શુક્લાએ જીમીની મુખ્ય ભૂમિકા ભજવી છે, અને તેણે આ ફિલ્મનું નિર્દેશન પણ કર્યું છે.

ફિલ્મમાં ચેતન દૈયાની એન્ટ્રી સારી વાઇબ આપે છે અને થિયેટરમાં બેઠેલા પ્રેક્ષકોમાં ખબજ મજા કરાવે છે . કોકો ભાઈ તરીકેની તેમની નકારાત્મક ભૂમિકામાં તેણે શાનદાર કામ કર્યું છે. ચેતન ધૈયા જે પણ કરે છે તે સ્ક્રીન પર સોનેરી બની જાય છે.

ફિલ્મમાં બ્રિન્દા ત્રિવેદી છે પણ માત્ર અભિનય જ કર્યો છે, અવાજ નથી. આખી ફિલ્મમાં તે મૌન છે. હું ફિલ્મમાં તેણીની ભૂમિકા જાહેર કરીશ નહીં તે તમે ફિલ્મમાં જોશો તો મજા આવશે. ફિલ્મમાં રાગી જાની એક ઈમાનદાર ઈન્સ્પેક્ટરની ભૂમિકા ભજવી રહ્યો છે અને તે સ્ક્રીન પર સારા દેખાય છે.

“ઈન્સ્યુરન્સ જીમી” ની પટકથા ખૂબ જ સારી છે, કયો સીન કયા સમયે બતાવવામાં આવે તે ખૂબ જ સારી રીતે કરવામાં આવે છે. પટકથા પ્રભાવશાળી છે અને સમગ્ર ફિલ્મમાં સસ્પેન્સ બનાવવામાં અને જાળવી રાખવામાં સક્ષમ છે. ગીતોની ટાઈમિંગ પણ પરફેક્ટ છે. વાર્તાનો ક્લાઈમેક્સ પણ પ્રભાવશાળી છે.

ચેતન ધૈયા, રાગી જાની અને બ્રિન્દા ત્રિવેદીનો અભિનય ઉત્તમ છે. હું કહીશ કે ચેતન ધૈયા એકમાત્ર વ્યક્તિ છે જે ફિલ્મને પોતાના ખભા પર લઈ જાય છે. આ ફિલ્મ સમાજને ડ્રગ્સના જોખમ સામે મજબૂત સંદેશ આપે છે.
આ વિષય પર મૂવી બનાવવાનું સાહસિક પગલું.