દેશભક્તિ અને બહાદુરી ભર્યા ગીતો/ભજનનોની ભવ્ય રજૂઆત

નીતા લીંબાચીયા, અમદાવાદ
07 જૂન 2022:

“વિશ્વ પર્યાવરણ દિવસ” શ્રી નરેન્દ્ર કુમાર મિસ્ત્રી, અંતરંગ ચેરીટી ફાઉન્ડેશન, અમદાવાદના વડા દ્વારા આઝાદીના અમૃત મહોત્સવ અંતર્ગત ગુજરાત રાજ્ય સંગીત નાટક અકાદમી, ગાંધીનગર (ગુજરાત સરકાર) ના આર્થિક સહયોગથી ઉજવણીનો હેતુ સાથે જબરદસ્ત ભવ્ય લોકડાયરાનું આયોજન કરવામાં આવ્યું હતું.

આ કાર્યક્રમ શ્રી નીલકંઠ મહાદેવ મંદિર, બલોલનગર ક્રોસ રોડ, રાણીપ, અમદાવાદના પ્રાંગણમાં કરવામાં આવ્યો હતો. આ લોકડાયરામાં (ગુજરાતી લોકગીતો અને સંગીત), ભક્તિ ગીતો અને શૌર્યગીતો થી આપણી લોક સંસ્કૃતિ ને ઉજાગર કરવામાં આવી હતી.

કાર્યક્રમમાં અતિથિ વિશેષ તરીકે સાબરમતીના ધારાસભ્ય શ્રી અરવિંદભાઈ પટેલ હાજર રહ્યા હતા. અને મુખ્ય મહેમાન શ્રી વિષ્ણુભાઈ વાઘેલા (નીલકંઠ મહાદેવ મંદિર, મેનેજીંગ ટ્રસ્ટી) ઉપસ્થિત રહ્યા હતા. નવાવાડજ વોર્ડના કોર્પોરેટરોની સાથે શ્રી વિજયભાઈ પંચાલ, શ્રી યોગેશભાઈ કે.પટેલ, પૂર્વ કોર્પોરેટર શ્રી દક્ષાબહેન પટેલ, શ્રી ખેતાભાઈ પુરોહિત, શ્રી મનસુખભાઈ મકવાણા (પ્રમુખ શ્રી લુહાર સુથાર જ્ઞાતિ હિતચૂક મંડળ, નવાવાડજ) શ્રી દિપેશભાઈ (ટ્રસ્ટી) શ્રી લુહાર સુથાર જ
જ્ઞાતિ હિતચૂક મંડળ, નવાવાડજ), શ્રી જયકૃષ્ણ રાઠોડ (ગુજરાતી ફિલ્મ અભિનેતા), શ્રી ધનંજય પટેલ (ગુજરાતી ફિલ્મ અભિનેતા), શ્રી ઈશ્વરભાઈ પટેલ (ફિલ્મ અભિનેતા, ગાંધીનગર) દીપ પ્રાગટ્ય કરી કાર્યક્રમ આગળ વધાર્યો હતો.

ધારાસભ્ય શ્રી અરવિંદભાઈ પટેલે પ્રાસંગિક પ્રવચનમાં વધુને વધુ વૃક્ષો વાવો અને પાણી બચાવવા માટે જન મેદનીને સંદેશ આપ્યો હતો. અને ઉપસ્થિત મહિલાઓને દરેક આંગણામાં તુલસીનો છોડ વાવવા અનુરોધ કર્યો હતો. નીલકંઠ મહાદેવ મંદિરના મેનેજીંગ ટ્રસ્ટી શ્રી વિષ્ણુભાઈએ આઝાદીના 75મા વર્ષની ઉજવણી નિમિત્તે મહાદેવના મંદિરના પટાંગણમાં ઓક્સિજન આપતા 75 છોડ વાવવાનું વચન આપ્યું હતું. લોકોએ આ વાતને તાળીઓના ગડગડાટથી આવકારી હતી. લોકડાયરા કાર્યક્રમની શરૂઆતમાં જાણીતા લોકગાયક શ્રી નાગરભાઈ પ્રજાપતિએ ગણેશ વંદના કરી, ત્યારબાદ જાણીતા લોકગાયક શ્રી ભાઈલાલ દસાડિયા, તેમજ જાણીતા લોકગાયક શ્રી ભાવનાબહેન પંચાલ, શ્રી વર્ષાબહેન કરંટિયાએ ડાયરાની જમાવટ કરી હતી. પ્રાચીન ગીતો સાથે ગુજરાતનું જાણીતું લોકસંગીત પણ પીરસ્યું હતું. સંગીત વાદ્યો સાથે શ્રી મુકેશ ભોજક (ઢોલક), શ્રી હેમંત ગોહિલ (તબલા), શ્રી રાહુલ દસાડીયા (તબલા), શ્રી શરદ પંચાલ (ઓર્ગન વાદક), શ્રી સુરેશ વાઘેલા (ઓક્ટોપેડ) અને શ્રી વિજય વાઘેલા હતા. (વાયોલિન). લોકોને મંત્રમુગ્ધ કર્યા. કાર્યક્રમના અંતે અંતરંગ ચેરિટી ફાઉન્ડેશનના વડા શ્રી નરેન્દ્ર કુમાર મિસ્ત્રીએ તમામ આમંત્રિત મહેમાનો, મોટી સંખ્યામાં શ્રોતાઓ અને ગુજરાત રાજ્ય સંગીત નાટક અકાદમી, ગાંધીનગર અને મંદિરના ટ્રસ્ટીઓનો આભાર વ્યક્ત કર્યો હતો. કલાકારો અને વાદ્યવાદકોનું પુષ્પગુચ્છથી સ્વાગત કરવામાં આવ્યું હતું.