અશ્વિન લીંબાચીયા, અમદાવાદ
21 એપ્રિલ 2022:
સમગ્ર ભારત દેશમાં હાલ ના સમયમાં બોલીવુડની સાથે સાથે સાઉથ ની મુવી નો પણ એક અલગ જ ક્રેઝ જોવા મળ્યો છે. કેજીએફ મુવી નો પહેલો ભાગ પત્યા પછી મુવીના ચાહકો ઘણા લાંબા સમયથી તેના બીજા ભાગ ની આતુરતાપૂર્વક રાહ જોઈ રહ્યા હતા ત્યારે તારીખ 14 એપ્રિલ ના રોજ રિલીઝ થયેલી ફિલ્મ કેજીએફ – 2 ની સાથે જ દર્શકો ની આતુરતાનો અંત આવ્યો છે.
આ મુવીના ચાહકો સમગ્ર શહેર અને રાજ્ય માં તેની રિલીઝ ને લઇ ને ખુબ ઉત્સાહિત દેખાયા હતા. તેવામાં આજ રોજ અમદાવાદ શહેર ખાતે આવેલા 10 એકર એક્રોપોલીસ મોલ ખાતે કેજીએફ મુવીના ચાહકો એ અનોખી રીતે આ ફિલ્મ ની રિલીઝ ની ઉજવણી કરી હતી. મલ્ટિપ્લેક્સ ની બહાર કેજીએફ મુવીના હીરો અને સાઉથ ના સુપરસ્ટાર એવા યશનું મોટું સ્ટેચ્યુ મુકવામાં આવ્યું હતું. અને સમગ્ર શહેરમાં થી મુવી ના ફેન મોટી સંખ્યામાં એકત્ર થયા હતા અને હીરો ના સ્ટેચ્યુ ને હાર પહેરાવી ને આ મુવી બ્લોકબસ્ટર નીવડે એવી શુભકામનાઓ પણ આપી હતી.
બધા ફેન્સે આ સ્ટેચ્યુ ની સાથે ફોટોસ અને સેલ્ફી પણ લીધી હતી. અત્યાર ના સમય માં સાઉથ ની મુવી નો ક્રેઝ ખાલી સાઉથ માં જ નહિ પરંતુ સમગ્ર દેશમાં છવાઈ રહ્યો છે એવું દેખાઈ રહ્યું છે.
#bharatmirror #bharatmirror21 #news #k.g.f #ahmedabad
