on: December 04, 2021In: News

દેશમાં 7 લાખથી વધુ આયાતકારો/નિકાસકારો છે. અને માત્ર 4640 જ આ યોજનાનો લાભ લઈ રહ્યા છે.

અશ્વિન લીંબાચીયા, અમદાવાદ.
તા. 04-12-2021

GCCI એ DGTS અમદાવાદ, FICCI અને નેશનલ એકેડેમી ઓફ કસ્ટમ્સ એન્ડ ઇનડાયરેક્ટ ટેક્સ એન્ડ નાર્કોટીક્સ, વડોદરાના સહયોગથી ઓથોરાઇઝ્ડ ઇકોનોમિક ઓપરેટર (AEO) સ્કીમ પર વેબિનારનું આયોજન કર્યું જે બિઝનેસ કરવાની સરળતા તરફ એક મોટું પગલું છે. આ કાર્યક્રમ હિન્દીમાં ગોઠવવામાં આવ્યો હતો અને 185 થી વધુ સહભાગીઓએ કાર્યક્રમમાં હાજરી આપી હતી જે નિકાસકારો અને આયાતકારો માટે ખૂબ જ શિક્ષણપ્રદ અને ઉપયોગી હતો.
શ્રી સંતોષકુમાર, ADG, DGTS, એ સ્વાગત પ્રવચન આપ્યું અને યોજનાની પાત્રતા અને લાભ અંગેના મૂળભૂત મુદ્દાઓ શેર કર્યા. GCCI ના પ્રમુખ શ્રી હેમંત શાહે આ મહત્વપૂર્ણ વેબિનારનું આયોજન કરવા બદલ શ્રી સંતોષકુમાર નો આભાર માન્યો હતો. જે રાજ્યના તમામ નિકાસકારો અને આયાતકારોને અને ખાસ કરીને MSME ને વ્યવસાય કરવાની સરળતામાં મદદ કરશે. જેની અમારા માનનીય PM દ્વારા હિમાયત કરવામાં આવી છે.

શ્રી સમીર ચિટકારા, કમિશનર, ઈન્દોર જણાવ્યું હતું કે, દેશમાં 7 લાખથી વધુ આયાતકારો/નિકાસકારો છે. અને માત્ર 4640 જ આ યોજનાનો લાભ લઈ રહ્યા છે. તેમણે વેપારી સમુદાયને AEO નો લાભ લેવા અનુરોધ કર્યો હતો.
શ્રી દીપક ગુપ્તાએ વિગતવાર પ્રેઝન્ટેશન આપ્યું હતું. અને યોજના અને તાજેતરના ફેરફારો વિશે વિગતવાર માહિતી આપી હતી. મુખ્ય ફાયદાઓ છે કે, આયાતની સીધી ડિલિવરી, નિકાસ માટે ડાયરેક્ટ પોર્ટ એન્ટ્રી, વિલંબિત ચુકવણી જે ચુકવણી અને કસ્ટમ ક્લિયરન્સને ડિલિંક કરે છે, ઝડપી રિફંડ/ડ્રોબેક વગેરે. આ લાભ નિકાસકારો, આયાતકારો અને લોજિસ્ટિક ઓપરેટરો જેવા તમામ સપ્લાય ચેઇન સ્ટેક હોલ્ડર્સ માટે છે. MSME માટે પણ વિશેષ જોગવાઈઓ છે જે સમજાવવામાં આવી હતી.
શ્રી સમીર શાહે માહિતી આપી હતી કે, આવનારા સમયમાં વિદેશી ખરીદદારો AEO ધારકો સાથે વ્યવહાર કરવાનું પસંદ કરશે. કારણ કે તેનાથી તેમને પણ ફાયદો થાય છે. અને આ પ્રમાણપત્ર નિકાસકારની છબીને વધારશે.