અમદાવાદ ખાતે 400થી વધુ ટેક ફાઉન્ડર્સ અને ઉદ્યોગ જગતના અગ્રણીઓની ઉપસ્થિતિમાં ‘ટેક એક્સ્પો ગુજરાત 2026’નું સત્તાવાર રીતે લોન્ચિંગ કરવામાં અવાયું હતું. આ મેગા ઇવેન્ટ આગામી 27 થી 29 નવેમ્બર, 2026 દરમિયાન ગુજરાત યુનિવર્સિટી કન્વેન્શન એન્ડ એક્ઝિબિશન સેન્ટર (GMDC) ખાતે યોજાશે.

આ એક્સ્પોમાં 15,000 થી વધુ વિઝિટર્સ, 250 થી વધુ એક્ઝિબિટર્સ અને 10 થી વધુ નિષ્ણાત વક્તાઓ ભાગ લે તેવી અપેક્ષા છે, જે તેને આ ક્ષેત્રના સૌથી મોટા ટેકનોલોજી પ્લેટફોર્મ પૈકીનું એક બનાવશે.

લોન્ચિંગ પ્રસંગે ખાસ સેશન્સનું આયોજન કરવામાં આવ્યું હતું, જેમાં શ્રી એમ. નાગરાજન (IAS) એ ‘AI અને ગ્રોથ’ વિષય પર વક્તવ્ય આપતા વહીવટમાં ટેકનોલોજીની ભૂમિકા પર ભાર મૂક્યો હતો. આ ઉપરાંત, ડિજિટલ પ્રતિકે ‘માર્કેટિંગ અને ગ્રોથ’ વિષય પર પોતાના વિચારો રજૂ કર્યા હતા.

“બીકન ઓફ રાઈઝિંગ ઇનોવેશન એન્ડ AI” ની થીમ સાથે યોજાનારા આ એક્સ્પોનો મુખ્ય ઉદ્દેશ્ય બિઝનેસ, રોકાણકારો અને ટેક્નોલોજી
ને એક મંચ પર લાવીને AI-આધારિત વિકાસને વેગ આપવાનો અને ગુજરાતને અગ્રણી ટેક હબ તરીકે પ્રસ્થાપિત કરવાનો છે કે જેથી ગુજરાતની ટેક્નોલોજીનો વેગ વધે અને MSMEs અને SMEs ના દરેક લોકોને તેનો લાભ ગુજરાતમાં જ મળી રહે.

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #techexpogujarat-2026 #AiHub #MSMEs #BeaconOfRisingInnovationandAITheme #TechExpoGujarat-2026 #ahmedaba

The post અમદાવાદમાં ટેક એક્સ્પો ગુજરાત 2026 ગુજરાતને ‘AI હબ’ તરીકે પ્રસ્થાપિત કરશે. appeared first on News.

અમદાવાદ: 04 એપ્રિલ 2026:

શહેરના અમરાઇવાડી વિસ્તારમાં દુષ્કર્મના એક કેસમાં સેશન્સ કોર્ટે ભોગ બનનાર પરિણિતા કે જેણે આરોપી સાથેના પ્રેમસબંધના કારણે પોતાના પતિ સાથે છૂટાછેડા લઇને પોતાની મરજીથી શરીરસંબંધ બાંધ્યા હોવાનું તારણ આપી આરોપી મહેશભાઇ કાંતિભાઇ વોરાને પુરાવાના અભાવે શંકાનો લાભ આપી નિર્દોષ ઠરાવી છોડી મૂકવા હુકમ કર્યો હતો. એડિશનલ સેશન્સ જજ જે.આઇ.પટેલે જણાવ્યું હતું કે, આ કેસમાં ફરિયાદી પીડિતાનો જ પુરાવો માનવા લાયક નહી હોઇ તેમ જસાહેદોનું પણ તેને સ્વતંત્ર સમર્થન નથી ત્યારે ફરિયાદપક્ષનો કેસ નિશંકપણે પુરવાર થતો નથી.

સેશન્સ કોર્ટે વધુમાં એમ પણ સ્પષ્ટ કર્યું હતું કે, અત્રે એ ચોક્કસ નોંધવુ ઘટે કે, હાલના સમયમાં પરિણિત પુરૃષો દ્વારા પરિણિત કે અપરિણિત સ્ત્રીઓ પર અત્યાચારના કિસ્સાઓ વધતા જાય છ ત્યારે આવા કિસ્સાઓને હળવાશથી લઇ શકાય નહી પરંતુ પ્રસ્તુત કેસમાં ભોગ બનનારનો આરોપી સાથે ઘણો જૂનો પ્રેમસબંધ પણ જવાબદાર છે અને તે પ્રેમસંબંધના કારણે ભોગ બનનાર પીડિતા આરોપીને વશ થઇને રહેતા હોવાનું ફલિત થાય છે. ભોગ બનનારના કથન મુજબ, ફરિયાદ સમયે તેની ઉમંર ૨૦ વર્ષની હતી અને તે પોતાનું સારુ-નરસુ સારી રીતે સમજી શકે તેવી સંપૂર્ણ સભાન અવસ્થામાં હતી.

કેસની વિગતો મુજબ, શહેરના અમરાઇવાડી વિસ્તારમાં રહેતી પરિણિતાને આરોપી મહેશ વોરા સાથે પ્રેમસંબંધ હતો. પરિણિતા પોતે પણ પરણેલી હતી અને તેને એક દિકરી હતી. તો, આરોપી પણ પરણિત હતો અને તેને પણ સંતાનમાં એક દિકરી હતી. બંને જણાં અવારનવાર ચોરીછૂપીથી મળતા હતા. ફરિયાદીના આક્ષેપ મુજબ, આરોપીએ તેને લાલચ આપી હતી કે, તું તારા પતિ સાથે છૂટાછેડા લઇ લે. હું લગ્ન કરીને તને અને તારી દિકરીને મારી સાથે રાખીશ. આરોપીની વાતોમાં આવી પરિણિતાએ પોતાના પતિ સાથે છૂટાછેડા લઇ લીધા હતા અને આરોપી સાથેના સંબંધો ચાલુ રાખ્યા હતા. જો કે, પરિણિતાની લગ્ન કરવાની વારંવારની વિનંતીને નહી માનતાં આખરે પીડિતાએ અમરાઇવાડી પોલીસમથકમાં આરોપી વિરૃદ્ધ દુષ્કર્મની ફરિયાદ નોંધાવી હતી.

આરોપીપક્ષ તરફથી એડવોકેટ અમિત એલ.પાટણવાડિયાએ જણાવ્યું હતું કે, પીડિતાની ફરિયાદ પાયાવિહોણી અને બદઇરાદાપૂર્વકની છે. કારણ કે, તેણે સ્વેચ્છાએ તેની સાથેના પ્રેમસંબંધમાં આ સબંધો રાખ્યા હતા. જેથી તેમાં કોઇ દુષ્કર્મનો ગુનો બનતો નથી. આ સહમતીપૂર્વકના સંબંધો હતા.. પીડિતા તેની મરજીથી જ આરોપી સાથે સંબંધ રાખતી હતી અને તે પોતે પુખ્ત હતી અને પોતાનું સારૂ-નરસું સમજી શકતી હતી. તેથી સહમતિપૂર્વકના સંબંધોમાં દુષ્કર્મનો ગુનો લાગુ પડી શકે નહી. આરોપી તરફથી એડવોકેટ અમિત એલ.પાટણવાડિયાની દલીલો ગ્રાહ્ય રાખી કોર્ટે પણ ફરિયાદપક્ષના પુરાવાને માનવાનો ઇન્કાર કરી જણાવ્યું હતું કે, ભોગ બનનાર અને આરોપી વચ્ચે જે સંબંધો હતા, તે ભોગ બનનારની મરજી મુજબના અને સંમંતિથી હતા અને તેણી ઘણા લાંબા સમયથી આરોપીની સાથે સંબંધ ધરાવતી હતી તેથી ફરિયાદપક્ષના કેસની હકીકત નિશંકપણે પુરવાર થતી નથી.

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #Courtacquitsloverinrapecaseoffersconsensualrelationshipsolution #rapecase #sessionscourt #ahmedaba

The post દુષ્કર્મના કેસમાં સંમંતિપૂર્વકના સંબંધોનું તારણ આપી કોર્ટે પ્રેમીને નિર્દોષ છોડયો appeared first on News.

04 એપ્રિલ 2026:

વડોદરાની ઝાયડસ હૉસ્પિટલ, ન્યુરો સાયન્સ ક્ષેત્રમાં અવિરતપણે પોતાનું યોગદાન આપી રહી છે. જેમાં હાલમાં ત્યાંની ન્યુરોસાયન્સ ટીમ દ્વારા ડીપ બ્રેઇન સ્ટિમ્યુલેશન (DBS) સર્જરી કરવામાં આવી. DBS મુખ્યત્વે પાર્કિન્સન રોગથી પીડિત દર્દીની સારવાર માટે કરવામાં આવે છે. ટીમમાં મૂવમેન્ટ ડિસઓર્ડર્સના સ્પેશિયાલિસ્ટ ડૉ. સુભોરિત ભૌમિક, ન્યુરોસર્જન ડૉ. રાકેશ જસાણી, ન્યુરો-એનેસ્થેટિસ્ટ ડૉ. ભદ્રેશ પટેલ અને સિનિયર ન્યુરોસર્જન, ડૉ. નરેન નાયક સહિતના નિષ્ણાતો સામેલ હતા. ઝાયડસ હોસ્પિટલ વડોદરા ખાતે આ પ્રથમ DBS સર્જરી હતી, જ્યારે છેલ્લા ત્રણ વર્ષમાં ટીમે શહેરમાં આવી અનેક સર્જરી સફળતાપૂર્વક પૂર્ણ કરી છે.

આ મિનિમલી ઇન્વેસિવ સર્જરીમાં મગજના ચોક્કસ ભાગોમાં પાતળા ઇલેક્ટ્રોડ મૂકીને વાયર દ્વારા છાતીમાં મૂકાયેલા પેસમેકર સાથે જોડવામાં આવે છે. આખી સિસ્ટમ શરીરની અંદર ગોઠવાયેલી હોવાથી બહારથી દેખાતી નથી. ઇલેક્ટ્રોડ મૂકતી વખતે દર્દીને જાગૃત રાખીને, ઓપરેશન થિયેટરમાં જ તેની અસરોનું નિરીક્ષણ થાય છે. થોડા અઠવાડિયા બાદ પેસમેકર ચાલુ કરવામાં આવે ત્યારે ઇલેક્ટ્રોડ દ્વારા ઉત્પન્ન થતી ઇલેક્ટ્રિકલ ઇમ્પલ્સથી લક્ષણોમાં સુધારો થાય છે.

દવાઓથી પૂરતો ફાયદો ન મળતા દર્દીઓ માટે DBS અસરકારક વિકલ્પ છે, જે જીવનની ગુણવત્તામાં નોંધપાત્ર સુધારો લાવી શકે છે. વધુ દવાઓથી આડઅસરો જેમ કે ડિસ્કેનેસીયા થઈ શકે છે અને ધ્રુજારી કે દુ:ખાવાથી દૈનિક કામમાં મુશ્કેલી પડે છે. સર્જરી પહેલાં મૂવમેન્ટ ડિસઓર્ડર નિષ્ણાતની સલાહ લેવી અત્યંત જરૂરી છે. દર્દીઓની સુખાકારી માટે સતત પ્રયત્નશીલ 13 ન્યુરોસ્પેશિયાલિસ્ટની વિશાળ ટીમ ઝાયડસ વડોદરામાં વિવિધ સીમાચિહ્નો સ્થાપિત કરી રહી છે.

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #NeurosciencesAreaZaydsHospitalVadodaraNoVoAyam #dbs #DeepBrainStimulationSurgery #Neuroscience #ZaydsHospital #Vadodara #ParkinsonsDisease #ahmedaba

The post ન્યુરો સાયન્સ ક્ષેત્રે ઝાયડસ હૉસ્પિટલ વડોદરાનો એક નવો આયામ: અત્યાધુનિક DBS સર્જરી appeared first on News.

અમદાવાદ મેનેજમેન્ટ એસોસિએશન (એએમએ) દ્રારા, માઈકા- ધ સ્કૂલ ઓફ આઈડિયાઝના સહયોગમા એએમએ ખાતે “લીન સ્પાર્ક” પુસ્તકનું વિમોચન અને “ફ્રોમ જુગાડ ટુ લીનસ્પાર્ક: ધ ઈવોલ્યુશન ઓફ ઇન્ડિયાઝ ઇનોવેશન માઈન્ડસેટ” વિષય પર લેખકો દ્રારા પેનલ ડિસ્કશનનું આયોજન કરવામાં આવ્યું હતું. ડૉ. જયદીપ પ્રભુ (બેસ્ટ સેલિંગ લેખક અને માર્કેટિંગ પ્રોફેસર, કેમ્બ્રિજ યુનિવર્સિટી); ડૉ. પ્રિયંક નારાયણ (બેસ્ટ સેલિંગ લેખક, આંત્રપ્રિન્યોરશિપ અને મેનેજમેન્ટના એસોસિએટ પ્રોફેસર ઓફ પ્રેક્ટિસ, અશોકા યુનિવર્સિટી); અને ડૉ. મુકેશ સુદ (બેસ્ટ સેલિંગ લેખક, વિઝિટિંગ ફેકલ્ટી, આઈઆઈએમએ અને અશોકા યુનિવર્સિટી) દ્રારા આ અંગે સંબોધન કરવામાં આવ્યું હતું અને પ્રો. સુરેશ મલોડિયા (એસોસિએટ પ્રોફેસર, એસોસિએટ ડીન – નોલેજ, માઈકા) દ્રારા આ કાર્યક્રમનું સંચાલન કરવામાં આવ્યું હતું.

આ કાર્યક્રમે ભારતીય કૌશલ્યના બદલાતા પરિપ્રેક્ષ્યોનું ગહન અન્વેષણ કરવામાં આવ્યું હતું, જેમાં કામચલાઉ “જુગાડ” ઉકેલોથી શિસ્તબધ્ધ અને વૈશ્વિક સ્તરે પ્રભાવશાળી “લીનસ્પાર્ક” માળખા તરફના સંક્રમણને રેખાંકિત કરી તે અંગે વાર્તાલાપ કરવામાં આવ્યો હતો. વક્તાઓએ ભારપૂર્વક જણાવ્યું હતું કે જુગાડે પ્રારંભિક તણખો પૂરો પાડ્યો હોવા છતાં, વૈશ્વિક મંચ પર ભારતીય નવીનતાને મોટા પાયે વિસ્તારવા માટે “લીન” માનસિકતા આવશ્યક છે.

ડૉ. જયદીપ પ્રભુએ વૈશ્વિક સંદર્ભ પર ધ્યાન કેન્દ્રિત કરતા કહ્યું હતું કે, “જુગાડ એ આપણી અસ્તિત્વ ટકાવી રાખવાની વૃત્તિ હતી, પરંતુ લીનસ્પાર્ક એ આપણું ગ્રોથ એન્જિન છે. આપણે ‘કરકસરયુક્ત સુધારા’થી ‘કરકસરયુક્ત શ્રેષ્ઠતા’ તરફ આગળ વધી રહ્યા છીએ જેને સમગ્ર વિશ્વ અપનાવી શકે છે.”

ડૉ. પ્રિયંક નારાયણે માનસિકતા પર ભાર મૂકતા કહ્યું હતું કે, “નવીનતા એ માત્ર ‘આહા!’ ક્ષણ વિશે નથી. તે બિન-જરૂરી બાબતોને દૂર કરવાની શિસ્ત વિશે છે જેથી મુખ્ય વિચાર—સ્પાર્ક (તણખો)—ખરેખર વેગ પકડી શકે અને આગળ વધી શકે.”

ડૉ. મુકેશ સુદે એકેડેમિકસ અને ઇન્ડસ્ટ્રીઝ વચ્ચેના જોડાણ પર ધ્યાન કેન્દ્રિત કરતા કહ્યું હતું કે, “અમે એક એવું માળખું પૂરું પાડવા માંગતા હતા જ્યાં ભારતીય સાહસિકોની કાચી સર્જનાત્મકતા લીન પધ્ધતિની ચોકસાઈ સાથે મળે. આ સંગમ એવો છે જ્યાં ટકાઉ મૂલ્યનું નિર્માણ થાય છે.”

પ્રો. સુરેશ મલોડિયાએ વિચારોના ભવિષ્ય વિશે વાત કરતા કહ્યું હતું કે, “જુગાડથી લીનસ્પાર્ક તરફનું સંક્રમણ એ ભારતીય ઇકોસિસ્ટમમાં પરિપક્વતા દર્શાવે છે. તે બેદરકાર થયા વિના સંસાધનસભર હોવા વિશે છે.”

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #ama #AhmedabadManagementAssociation #LeanSparkBookRelease #FromJugadtoLeanSpark-TheEvolutionofIndia’sInnovationMindset #MICA-TheSchoolofIdeas #ahmedaba

The post એએમએ દ્રારા “લીન સ્પાર્ક” પુસ્તકનું વિમોચન અને “ફ્રોમ જુગાડ ટુ લીનસ્પાર્ક: ધ ઈવોલ્યુશન ઓફ ઇન્ડિયાઝ ઇનોવેશન માઈન્ડસેટ” વિષય પર પેનલ ડિસ્કશનનું આયોજન કરાયું. appeared first on News.

શ્રી સંકટમોચન મહાવીર હનુમાન મંદિર માં રામ નવમી પર્વની ધુમધામથી ઉજવણી કરવામાં આવી. ભક્તો દ્વારા રામ નામ કીર્તન અને મહા આરતીનું આયોજન કરવામાં આવ્યું હતું.ભક્તોએ હનુમાન ચાલીસાનો જાપ પણ કર્યો. દરેક માટે ભંડારાનું વિશેષ આયોજન કરવામાં આવ્યું હતું,

મંદિરના સ્થાપક ડૉ. પ્રવીણ ગાર્ગે જણાવ્યું કે, ઉત્સવમાં ભેગા થયેલા ભક્તોના પ્રતિસાદથી તેઓ અત્યંત ગદગદ છે. તેમણે વધુમાં જણાવ્યું કે, મંદિર આગામી સમયમાં બધા મહત્વના તહેવારોની ઉજવણી કરતું રહેશે.

તેઓ દરેકને દર રવિવારે સાંજે 5:30 વાગ્યે મંદિરમાં થતા સુન્દરકાંડ પાઠમાં હાજર રહેવા આમંત્રણ આપે છે.

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #ahmedaba #ShriSankatmochanMahavirTemple #Rancharda #Ahmedabad #HanumanPrakototsav #HanumanJayanti #Sunderkand #NeebKaroriBaba #BabaNeebKaroriMaharajji #NeebKaroriBabaTemple #Hanumanji #ShriHanumanjiJayanti #ShriNagarvelHanuman #ShriNagarvelHanumanDadadarshan #ShriHanumanJanmotsav #HanumanDada

The post શ્રી સંકટમોચન મહાવીર હનુમાન મંદિર, રાંચરડા , અમદાવાદમાં રામ નવમીનો ધુમધામથી ઉત્સવ appeared first on News.

એપ્રિલના વર્લ્ડ ઓટિઝમ અવેરનેસ ડેની પૂર્વસંધ્યાએ પત્રકારોને સંબોધતા ઇન્સ્ટીટ્યુટ ઓફ હ્યુમન જીનેટિક્સના પ્રો. જયેશ શેઠ અને સ્પેશિયાલિટી હોમિયોપથીના ડો. કેતન પટેલે જણાવ્યું હતું કે, ડાયટ અને કસરત દ્વારા ઓટિઝમના 80 ટકા કેસ સારા થઇ શકે અને 20 ટકા બાળકોમાં મેટાબોલિક અને જીનેટિક કારણોસર તેમના માટે ડાયટની સાથે દવાઓ પણ જરૂરી બને છે. આવા જીનેટિક ઓટિઝમની સારવાર માટે હોમિયોપથી ઘણી કારગત પુરવાર થઇ છે. હોમિયોપથીની દવાઓ દ્વારા જીનેટિક અસરોને ઘણે અંશે નાબૂદ કરી શકાય છે અથવા તો નિયંત્રણમાં લઇ શકાય છે.

ડો. કેતન પટેલે જણાવ્યું હતું કે, સોડિયમ ચેનલ, પોટેશિયમ ચેનલ, એકવા ચેનલ એપિલેપ્ટિક, એન્સેફેલો, ઇન્ટેલેક્ટને અસર કરનાર જનીનની અસરો હોમિયોપથીની દવાઓથી 90 ટકા સુધી નાબુદ કરી શકાય છે. ફક્ત 10 ટકા જનીનમાં સુધારો થઇ શક્તો નથી એમ આ નિષ્ણાતોના સંશોધનમાં જણાયું છે.

ડો. કેતન પટેલે વધુમાં જણાવ્યું હતું કે “ઓટિઝમની સારવાર માટે આપણે નવી માર્ગદર્શિકાઓને ઘડીને અમલમાં મુકવાનો યોગ્ય સમય પાકી ગયો છે. પશ્ચિમનાં દેશોની ઓટિઝમ સારવાર અંગેની માર્ગદર્શિકાઓથી નિશ્ચિત સમયમાં સારવારની અસર જણાતી નથી. ભારતમાં ઓટિઝમની સારવાર માટે તાલિમબધ્ધ ડોકટરોની અછત વર્તાય છે. આથી આપણે પશ્ચિમનાં દેશોની માર્ગદર્શિકાઓને ભુલીને આપણી પોતાની માર્ગદર્શિકા ઘડીએ તે જરૂરી છે. ભારતનાં ડોકટરો ઓટિઝમની સારવારમાં પશ્ચિમી દેશોની સરખામણીમાં ઘણાં આગળ છે. આથી આપણે ત્યાં ઓટિઝમની સારવારમાં ડાયટ, કસરત અને વ્યક્તિગત સારવાર પ્લાન સાથેનો નવો પ્રોટોકોલ અમલી બને તે જરૂરી છે.”

પ્રો. જયેશ શેઠે જણાવ્યું હતું કે ઓટિઝમ એ એવાં પ્રકારનું દર્દ છે જેમાં બાળકો મંદબુદ્ધિના નથી હોતા પણ તેમના મગજના ન્યૂરોન્સના વાયરીંગમાં કોઇ અવરોધ સર્જાવાથી કે કોઇ ગરબડ થવાથી તેની બોલવાની અને વિચારવાની ક્ષમતાને અસર પહોંચે છે. ઓટિઝમના 50 ટકા કિસ્સામાં આવાં જનીનની સમસ્યા ખાસ જોવા મળે છે. આવા બાળકોનું નિદાન જેટલું વહેલું થઇ જાય તેટલી સારવાર અને માર્ગદર્શન વધુ અસરકારક નીવડે છે.

ડો પટેલ અને પ્રો. શેઠે વધુમાં જણાવ્યું હતું કે હાલમાં ઓટીઝમના રોગથી પીડાતા 100 થી વધુ જરૂરીયાતમંદ બાળકોની સારવાર, જીનેટીક ટેસ્ટ અને તેની સાથે સંકળાયેલ થેરાપી પાછળ વાર્ષિક રૂ. 5,૦૦,૦૦૦ સુધીની મદદ ડોકટરો દ્વારા કરાઇ રહી છે. આગામી સમયમાં ગુજરાતમાં ઓટીઝમનાં ક્ષેત્રમાં સારવાર અને રિસર્ચ કરનારા એલોપેથીક, હોમીયોપેથીક આર્યુવેદિક જેવી તમામ શાખાના ડોકટરો સંયુક્તપણે થેરાપી કરનાર સાથે રહી, ઝડપી સારવાર અને સુધારો લાવવા કટીબધ્ધ છે.

વિશ્વભરમાં જન્મ લેતા દર 36 બાળકોમાંથી 1 બાળક ઓટીઝમથી પીડીત હોય છે. આ આંકડો અત્યંત ભયજનક ગણવામાં આવ્યો છે, કારણકે વિશ્વભરમાં કેન્સરગ્રસ્ત, ડાયાબીટીસ અને HIV જેવા જીવલેણ રોગોથી પીડાતા બાળકોની ટકાવારી કરતાં ઓટીઝમથી પીડીતા બાળકોની સંખ્યા વધારે છે.

ઓટીઝમ શું છે?

બાળકોમાં 18 થી 24 મહિનાની ઉંમરમાં નિદાન થતી, ન્યુરોલોજીકલ, એન્ડ્રોલોજીકલ અને ગેસ્ટ્રોઈન્ટેસ્ટીનલ સિસ્ટમને અસર કરનાર બિમારી છે, જેના લક્ષણો નીચે મુજબ છે.

–     બાળકનું બોલવાનું સમયસર આવતુ નથી કે તદ્દન આવતુ નથી, થોડા શબ્દો બોલી આગળ વાક્યનો પ્રયોગ ન કરી શકે.

–     ઘરના સભ્યો જેવાકે માતા, પિતા, ભાઈ, બહેન સાથે જરૂરથી નજર ના મેળવે.

–     પોતાની ઉંમરના બાળકો રમતા હોય તો તેની સાથે ન રમે ને દૂર જઈ એકલો રમવાનું પસંદ કરે.

–     કારણ વગર હસ્યા કરે રડ્યા કરે.

–     કોઈ એક રમકડું, વસ્તુ કે કપડાના ટુકડાથી લાંબાસમય સુધી રમવું, સાથે લઈને સુઇ જવું.

–     હાથની આંગળીઓ હલાવવી, કુદકા મારવા, એક જ જગ્યાએ ગોળગોળ ફરતાં રહેવું.

–     મીક્ષર, વેક્યુમ ક્લિનર ફટાકડાના અવાજથી ડરીને કાન ઉપર હાથ રાખવા.

–     વસ્તુઓ ફેકવી અને ચીસો પાડવી.

–     પોતાના શરીરને દાંત વડે ઈજા પહોંચાડવી, દિવાલ સાથે માથુ અથડાવવું.

ઉપરોક્ત લક્ષણોમાંથી બે કે વધારે લક્ષણો બાળકમાં જોવા મળે તો તમારા બાળકને ડોક્ટરને બતાવી ઓટીઝમનું નિદાન કરાવી યોગ્ય સારવાર કરાવવી. જો તમારા બાળકનું ઓટીઝમ કે તેના જેવી બિમારીનું નિદાન જેટલું નાની ઉંમરમાં થાય તો બાળકને આ લક્ષણોમાંથી સારા કરવાના ચાન્સ વધી જાય છે.

–     દુનિયાભરના વૈજ્ઞાનિકો, ડોક્ટરો, યુનિવર્સિટીઝ ફાર્માસ્યુટિકલ અને ડાયગ્નોસ્ટીક કંપની ઓટીઝમનું નિદાન ઝડપથી થાય તે અંગે પ્રયાસો કરી રહ્યા છે.

આ બિમારી અંગે લોકોને જાણકારી મળે તે માટે 2 એપ્રિલને દર વર્ષે વર્લ્ડ ઓટીઝમ અવેરનેસ દિવસ તેમજ આખા એપ્રિલ મહિનાને ઓટીઝમ અવેરનેસ મંથ (મહિનો) જાહેર કરી ઓટીઝમ અંગે માહિતી મળે ને જાગૃતિ ફેલાય તેના માટે વિશ્વ આરોગ્ય સંસ્થા (ડબ્લ્યુએચઓ) ઉપર મુજબ જાહેર કર્યું છે.

આ મહિના દરમિયાન દુનિયાભરની જાણીતી જગ્યાઓને બ્લુ લાઈનથી સજાવવામાં આવે છે. જેમ કે સિડની ઓપેરા- ઓસ્ટ્રેલિયા, બુર્ઝ ખલિફા- દુબઈ, ઢળતા મિનારા- ઈટાલી, લંડન બ્રિજ- યુકે, ગીઝાના પીરામીડ- ઈજીપ્ત, એફિલ ટાવર- ફ્રાન્સ (પેરીસ)ને વાદળી લાઈટથી સજાવવામાં આવે છે.

ઓટીઝમનું નિદાન

18 મહિનાની ઉંમરના બાળકથી લઈ 30 મહિનાની ઉંમરના બાળકોમાં જોવા મળતી આ બિમારી કોઈ એક ટેસ્ટ કે અન્ય મેડિકલ રિપોર્ટ જેવા કે CT SCAN, MRI SCAN, PET SCAN કે EEG થી જાણી શકાતી નથી, તે માટે ઉપરોક્ત રિપોર્ટ સિવાય નીચેના બે તબક્કામાં નિદાન થઈ શકે છે.

પહેલા તબક્કામાં બાળકોનો શારીરિક અને માનસિક વિકાસ તેની ઉંમર પ્રમાણે થઈ રહ્યો છે કે નહિં તે જાણવા માટે બાળકની શીખવાની ક્ષમતા, તેની બોલવાની રીત, શબ્દોને વાક્યો સાથે તેના ચહેરાના હાવભાવનો અભ્યાસ કરી તેની નોંધ રાખી ચોક્કસ સમય અંતરે જેમ કે 12 મહિના, 18 મહિના કે 24 મહિના એટલે કે 2 વર્ષની ઉંમરે બાળકોનો વિકાસ દર (શારીરિક અને માનસિક) (Physical & Mental Development) ને ધ્યાનમાં રાખી નિદાન કરવામાં આવે છે. આ ઉપરોક્ત અભ્યાસમાં બાળકના માતા પિતા, તેના ડોક્ટર્સ બાળકની સંભાળ રાખનારને વૈજ્ઞાનિક રીતે તૈયાર કરેલી પ્રશ્નોત્તરીના જવાબ આધારે નિદાન કરવામાં આવે છે.

બીજા તબક્કાનું નિદાન આ રોગના નિષ્ણાંત ડોક્ટરો જેવા કે ડેવલેપમેન્ટ પીડિયાટ્રીસિયન કે Child Neurologist કે Child Psychiatrist/Psychologist (બાળકના જ્ઞાનતંતુ તેમજ વર્તણુકના રોગના નિષ્ણાંત) અને DAN (Defeat Autism Now) ડોક્ટર્સ દ્વારા થતી હોય છે.

ઓટીઝમ સ્પેકટ્રમ ડિસઓર્ડરના કારણો

દુનિયાભરના ડોક્ટર્સ, વૈજ્ઞાનિકો આ બિમારીના કારણો જાણવા પ્રયત્નો કરે છે પણ કોઈ એક ચોક્કસ કારણ સુધી આવી શક્યા નથી પરંતુ જુના કેસ/ નવા કેસની મેડિકલ હિસ્ટરી રેકોર્ડ અને તેમાં રહેલી સમાનતા – વિસંગતતા પરથી નીચેના તારણો પર આવ્યા છે.

–     માતા ના શરીરમાં રહેલુ Chronic Infection જે બાળકના માનસિક વિકાસને ગર્ભાવસ્થા દરમિયાન અસર કરે જેમ કે Torch Infection.

–     માતામાં રહેલી અંત:સ્ત્રાવી ગ્રંથીને કારણે હોરમોનમાં રહેલી અસમાનતા, થાઈરોડની ઉણપ.

–     વાતાવરણમાં રહેલું પ્રદુષણ, પીવાના પાણીમાં રહેલું પ્રદુષણ

જીનેટીક ડીસઓર્ડર

–     કુટુંમ્બના સભ્યોમાં રહેલી ટ્યુબરક્યુલોસીસની બિમારી

–     Epilepsy & Seizure Disorder (બાળકને ખેંચ આવવી)

–     સેરોટોનીન અને ન્યુરોટ્રાન્સમીટરને લગતી બિમારી

MMR નામની રસી મુકાવ્યા બાદ ઘણાં બાળકોમાં ઓટીઝમના લક્ષણો જોવા મળે છે, દુનિયાભરના ડોક્ટરોમાં આ બાબતે ભિન્ન-ભિન્ન મત આવતા રહે છે. CDC (CDC – Centres for Disease Control & Prevention)નાં જણાવ્યા પ્રમાણે દુનિયામાં જન્ય લેતા 36 બાળકમાંથી 1 બાળક ઓટીઝમથી પીડીત છે અને આ આંકડો ભયજનક ગણવામાં આવ્યો છે, કેમ કે તે કેન્સર, ડાયાબીટીસ અને HIVના બાળકોના સરવાળા કરતા વધારે છે.

સારવાર : હોમિયોપેથીમાં ઓટીઝમની સચોટ અને સમય સાથેની સારવાર સંભવ છે, દુનિયાભરના ડોક્ટર્સ તેમના પોતાના ઓટીસ્ટીક બાળકને હોમિયોપેથી સારવાર આપવાનું પસંદ કરે છે. વિશ્વભરમાં હોમિયોપેથી ઓટીઝમની સારવાર માટે પ્રચલિત છે. મોર્ડન મેડિકલ સાયન્સ એટલે કે એલોપેથીમાં ઓટીઝમ માટે કોઈ મેડિકલ સારવાર નથી, બાળકની હાયપર એક્ટીવીટી (Hyperactivity)ને કંટ્રોલમાં લેવા રેસ્પરીડોલ નામની દવા આપવામાં આવે છે. હોમિયોપેથી દવાની સાથે આહાર નિયંત્રણ અને શારીરિક કસરત એમ ઉપરોક્ત ત્રણ બાબત ઉપર ધ્યાન આપવાથી બાળકને ઓટીઝમમાંથી સામાન્ય બનાવી શકે છે.

–     બાળક હોમીયોપેથીની સારવારથી 9 મહિના પછી બોલવાનું શરૂ કરે ત્યારે બાળકને 2 મહિના સ્પીચ થેરાપી આપવાથી બોલવાનું સારી રીતે આવી શકે છે.

–     સારવારના 16 મહિના પછી બાળકને 3 મહિના માટે ABAસારવાર કરાવવાથી બાળકમાં બાકી રહેલો સુધારો ઝડપથી લાવી શકાય છે.

સારવારની શરૂઆત કઈ રીતે કરવી.

–     ઓટીઝમના લક્ષણો માલુમ પડે તો નજીકના બાળરોગ નિષ્ણાંત પાસે તેમજ આ સારવારના અનુભવી ડોક્ટર્સ પાસે બાળકને નિદાન કરાવી સારવાર ચાલુ કરવો. હોમિયોપેથીક દવાના પહેલા 120 દિવસની સારવાર દરમિયાન તમામ બાળકમાં સુધારો જોવા મળશે અને ત્યારબાદ દર 60 દિવસે સુધારોને લગભગ 225 મહિનાની દવાથી બાળક સામાન્ય થશે.

–     ઉપરોક્ત સારવાર સાથે તમારા બાળકને GFCF DIET એટલે કે દૂધ અને દૂધની બનાવટ તેમજ ઘઉંને તેની બનાવટ સંપૂર્ણ બંધ કરવાની રહેશે, દૂધની બનાવટ જેમ કે દહીં, છાસ, માખણ, ચીઝ બંધ કરવું ને તેના બદલે બાળકને સોયા, બદામ કે નાળીયેરનું દૂધ આપવું, ઘઉંની બનાવટ જેમ કે રોટલી , ભાખરી, બિસ્કીટ બંધ કરી બાજરી, ચોખા અન્ય કઠોળ દરેક પ્રકારના લિલા શાકભાજી આપવા.

–     બાળકને દોડાવવું, ઝડપથી ચલાવવું, સાયકલીંગ, સ્કેટીંગ તેજમ સ્વિમીંગ કરવાથી ઝડપથી સુધારો જોવા મળે છે.

 ડાયટ અને કસરત દ્વારા ઓટિઝમના 80 ટકા કેસ સારા થઇ શકે છેઃ નિષ્ણાતો

અમદાવાદ તા 1 એપ્રિલ 2026 – તા 2 એપ્રિલના વર્લ્ડ ઓટિઝમ અવેરનેસ ડેની પૂર્વસંધ્યાએ પત્રકારોને સંબોધતા ઇન્સ્ટીટ્યુટ ઓફ હ્યુમન જીનેટિક્સના પ્રો. જયેશ શેઠ અને સ્પેશિયાલિટી હોમિયોપથીના ડો. કેતન પટેલે જણાવ્યું હતું કે, ડાયટ અને કસરત દ્વારા ઓટિઝમના 80 ટકા કેસ સારા થઇ શકે અને 20 ટકા બાળકોમાં મેટાબોલિક અને જીનેટિક કારણોસર તેમના માટે ડાયટની સાથે દવાઓ પણ જરૂરી બને છે. આવા જીનેટિક ઓટિઝમની સારવાર માટે હોમિયોપથી ઘણી કારગત પુરવાર થઇ છે. હોમિયોપથીની દવાઓ દ્વારા જીનેટિક અસરોને ઘણે અંશે નાબૂદ કરી શકાય છે અથવા તો નિયંત્રણમાં લઇ શકાય છે.

ડો. કેતન પટેલે જણાવ્યું હતું કે, સોડિયમ ચેનલ, પોટેશિયમ ચેનલ, એકવા ચેનલ એપિલેપ્ટિક, એન્સેફેલો, ઇન્ટેલેક્ટને અસર કરનાર જનીનની અસરો હોમિયોપથીની દવાઓથી 90 ટકા સુધી નાબુદ કરી શકાય છે. ફક્ત 10 ટકા જનીનમાં સુધારો થઇ શક્તો નથી એમ આ નિષ્ણાતોના સંશોધનમાં જણાયું છે.

ડો. કેતન પટેલે વધુમાં જણાવ્યું હતું કે “ઓટિઝમની સારવાર માટે આપણે નવી માર્ગદર્શિકાઓને ઘડીને અમલમાં મુકવાનો યોગ્ય સમય પાકી ગયો છે. પશ્ચિમનાં દેશોની ઓટિઝમ સારવાર અંગેની માર્ગદર્શિકાઓથી નિશ્ચિત સમયમાં સારવારની અસર જણાતી નથી. ભારતમાં ઓટિઝમની સારવાર માટે તાલિમબધ્ધ ડોકટરોની અછત વર્તાય છે. આથી આપણે પશ્ચિમનાં દેશોની માર્ગદર્શિકાઓને ભુલીને આપણી પોતાની માર્ગદર્શિકા ઘડીએ તે જરૂરી છે. ભારતનાં ડોકટરો ઓટિઝમની સારવારમાં પશ્ચિમી દેશોની સરખામણીમાં ઘણાં આગળ છે. આથી આપણે ત્યાં ઓટિઝમની સારવારમાં ડાયટ, કસરત અને વ્યક્તિગત સારવાર પ્લાન સાથેનો નવો પ્રોટોકોલ અમલી બને તે જરૂરી છે.”

પ્રો. જયેશ શેઠે જણાવ્યું હતું કે ઓટિઝમ એ એવાં પ્રકારનું દર્દ છે જેમાં બાળકો મંદબુદ્ધિના નથી હોતા પણ તેમના મગજના ન્યૂરોન્સના વાયરીંગમાં કોઇ અવરોધ સર્જાવાથી કે કોઇ ગરબડ થવાથી તેની બોલવાની અને વિચારવાની ક્ષમતાને અસર પહોંચે છે. ઓટિઝમના 50 ટકા કિસ્સામાં આવાં જનીનની સમસ્યા ખાસ જોવા મળે છે. આવા બાળકોનું નિદાન જેટલું વહેલું થઇ જાય તેટલી સારવાર અને માર્ગદર્શન વધુ અસરકારક નીવડે છે.

ડો પટેલ અને પ્રો. શેઠે વધુમાં જણાવ્યું હતું કે હાલમાં ઓટીઝમના રોગથી પીડાતા 100 થી વધુ જરૂરીયાતમંદ બાળકોની સારવાર, જીનેટીક ટેસ્ટ અને તેની સાથે સંકળાયેલ થેરાપી પાછળ વાર્ષિક રૂ. 5,૦૦,૦૦૦ સુધીની મદદ ડોકટરો દ્વારા કરાઇ રહી છે. આગામી સમયમાં ગુજરાતમાં ઓટીઝમનાં ક્ષેત્રમાં સારવાર અને રિસર્ચ કરનારા એલોપેથીક, હોમીયોપેથીક આર્યુવેદિક જેવી તમામ શાખાના ડોકટરો સંયુક્તપણે થેરાપી કરનાર સાથે રહી, ઝડપી સારવાર અને સુધારો લાવવા કટીબધ્ધ છે.

વિશ્વભરમાં જન્મ લેતા દર 36 બાળકોમાંથી 1 બાળક ઓટીઝમથી પીડીત હોય છે. આ આંકડો અત્યંત ભયજનક ગણવામાં આવ્યો છે, કારણકે વિશ્વભરમાં કેન્સરગ્રસ્ત, ડાયાબીટીસ અને HIV જેવા જીવલેણ રોગોથી પીડાતા બાળકોની ટકાવારી કરતાં ઓટીઝમથી પીડીતા બાળકોની સંખ્યા વધારે છે.

ઓટીઝમ શું છે?

બાળકોમાં 18 થી 24 મહિનાની ઉંમરમાં નિદાન થતી, ન્યુરોલોજીકલ, એન્ડ્રોલોજીકલ અને ગેસ્ટ્રોઈન્ટેસ્ટીનલ સિસ્ટમને અસર કરનાર બિમારી છે, જેના લક્ષણો નીચે મુજબ છે.

–     બાળકનું બોલવાનું સમયસર આવતુ નથી કે તદ્દન આવતુ નથી, થોડા શબ્દો બોલી આગળ વાક્યનો પ્રયોગ ન કરી શકે.

–     ઘરના સભ્યો જેવાકે માતા, પિતા, ભાઈ, બહેન સાથે જરૂરથી નજર ના મેળવે.

–     પોતાની ઉંમરના બાળકો રમતા હોય તો તેની સાથે ન રમે ને દૂર જઈ એકલો રમવાનું પસંદ કરે.

–     કારણ વગર હસ્યા કરે રડ્યા કરે.

–     કોઈ એક રમકડું, વસ્તુ કે કપડાના ટુકડાથી લાંબાસમય સુધી રમવું, સાથે લઈને સુઇ જવું.

–     હાથની આંગળીઓ હલાવવી, કુદકા મારવા, એક જ જગ્યાએ ગોળગોળ ફરતાં રહેવું.

–     મીક્ષર, વેક્યુમ ક્લિનર ફટાકડાના અવાજથી ડરીને કાન ઉપર હાથ રાખવા.

–     વસ્તુઓ ફેકવી અને ચીસો પાડવી.

–     પોતાના શરીરને દાંત વડે ઈજા પહોંચાડવી, દિવાલ સાથે માથુ અથડાવવું.

ઉપરોક્ત લક્ષણોમાંથી બે કે વધારે લક્ષણો બાળકમાં જોવા મળે તો તમારા બાળકને ડોક્ટરને બતાવી ઓટીઝમનું નિદાન કરાવી યોગ્ય સારવાર કરાવવી. જો તમારા બાળકનું ઓટીઝમ કે તેના જેવી બિમારીનું નિદાન જેટલું નાની ઉંમરમાં થાય તો બાળકને આ લક્ષણોમાંથી સારા કરવાના ચાન્સ વધી જાય છે.

–     દુનિયાભરના વૈજ્ઞાનિકો, ડોક્ટરો, યુનિવર્સિટીઝ ફાર્માસ્યુટિકલ અને ડાયગ્નોસ્ટીક કંપની ઓટીઝમનું નિદાન ઝડપથી થાય તે અંગે પ્રયાસો કરી રહ્યા છે.

આ બિમારી અંગે લોકોને જાણકારી મળે તે માટે 2 એપ્રિલને દર વર્ષે વર્લ્ડ ઓટીઝમ અવેરનેસ દિવસ તેમજ આખા એપ્રિલ મહિનાને ઓટીઝમ અવેરનેસ મંથ (મહિનો) જાહેર કરી ઓટીઝમ અંગે માહિતી મળે ને જાગૃતિ ફેલાય તેના માટે વિશ્વ આરોગ્ય સંસ્થા (ડબ્લ્યુએચઓ) ઉપર મુજબ જાહેર કર્યું છે.

આ મહિના દરમિયાન દુનિયાભરની જાણીતી જગ્યાઓને બ્લુ લાઈનથી સજાવવામાં આવે છે. જેમ કે સિડની ઓપેરા- ઓસ્ટ્રેલિયા, બુર્ઝ ખલિફા- દુબઈ, ઢળતા મિનારા- ઈટાલી, લંડન બ્રિજ- યુકે, ગીઝાના પીરામીડ- ઈજીપ્ત, એફિલ ટાવર- ફ્રાન્સ (પેરીસ)ને વાદળી લાઈટથી સજાવવામાં આવે છે.

ઓટીઝમનું નિદાન

18 મહિનાની ઉંમરના બાળકથી લઈ 30 મહિનાની ઉંમરના બાળકોમાં જોવા મળતી આ બિમારી કોઈ એક ટેસ્ટ કે અન્ય મેડિકલ રિપોર્ટ જેવા કે CT SCAN, MRI SCAN, PET SCAN કે EEG થી જાણી શકાતી નથી, તે માટે ઉપરોક્ત રિપોર્ટ સિવાય નીચેના બે તબક્કામાં નિદાન થઈ શકે છે.

પહેલા તબક્કામાં બાળકોનો શારીરિક અને માનસિક વિકાસ તેની ઉંમર પ્રમાણે થઈ રહ્યો છે કે નહિં તે જાણવા માટે બાળકની શીખવાની ક્ષમતા, તેની બોલવાની રીત, શબ્દોને વાક્યો સાથે તેના ચહેરાના હાવભાવનો અભ્યાસ કરી તેની નોંધ રાખી ચોક્કસ સમય અંતરે જેમ કે 12 મહિના, 18 મહિના કે 24 મહિના એટલે કે 2 વર્ષની ઉંમરે બાળકોનો વિકાસ દર (શારીરિક અને માનસિક) (Physical & Mental Development) ને ધ્યાનમાં રાખી નિદાન કરવામાં આવે છે. આ ઉપરોક્ત અભ્યાસમાં બાળકના માતા પિતા, તેના ડોક્ટર્સ બાળકની સંભાળ રાખનારને વૈજ્ઞાનિક રીતે તૈયાર કરેલી પ્રશ્નોત્તરીના જવાબ આધારે નિદાન કરવામાં આવે છે.

બીજા તબક્કાનું નિદાન આ રોગના નિષ્ણાંત ડોક્ટરો જેવા કે ડેવલેપમેન્ટ પીડિયાટ્રીસિયન કે Child Neurologist કે Child Psychiatrist/Psychologist (બાળકના જ્ઞાનતંતુ તેમજ વર્તણુકના રોગના નિષ્ણાંત) અને DAN (Defeat Autism Now) ડોક્ટર્સ દ્વારા થતી હોય છે.

ઓટીઝમ સ્પેકટ્રમ ડિસઓર્ડરના કારણો

દુનિયાભરના ડોક્ટર્સ, વૈજ્ઞાનિકો આ બિમારીના કારણો જાણવા પ્રયત્નો કરે છે પણ કોઈ એક ચોક્કસ કારણ સુધી આવી શક્યા નથી પરંતુ જુના કેસ/ નવા કેસની મેડિકલ હિસ્ટરી રેકોર્ડ અને તેમાં રહેલી સમાનતા – વિસંગતતા પરથી નીચેના તારણો પર આવ્યા છે.

–     માતા ના શરીરમાં રહેલુ Chronic Infection જે બાળકના માનસિક વિકાસને ગર્ભાવસ્થા દરમિયાન અસર કરે જેમ કે Torch Infection.

–     માતામાં રહેલી અંત:સ્ત્રાવી ગ્રંથીને કારણે હોરમોનમાં રહેલી અસમાનતા, થાઈરોડની ઉણપ.

–     વાતાવરણમાં રહેલું પ્રદુષણ, પીવાના પાણીમાં રહેલું પ્રદુષણ

જીનેટીક ડીસઓર્ડર

–     કુટુંમ્બના સભ્યોમાં રહેલી ટ્યુબરક્યુલોસીસની બિમારી

–     Epilepsy & Seizure Disorder (બાળકને ખેંચ આવવી)

–     સેરોટોનીન અને ન્યુરોટ્રાન્સમીટરને લગતી બિમારી

MMR નામની રસી મુકાવ્યા બાદ ઘણાં બાળકોમાં ઓટીઝમના લક્ષણો જોવા મળે છે, દુનિયાભરના ડોક્ટરોમાં આ બાબતે ભિન્ન-ભિન્ન મત આવતા રહે છે. CDC (CDC – Centres for Disease Control & Prevention)નાં જણાવ્યા પ્રમાણે દુનિયામાં જન્ય લેતા 36 બાળકમાંથી 1 બાળક ઓટીઝમથી પીડીત છે અને આ આંકડો ભયજનક ગણવામાં આવ્યો છે, કેમ કે તે કેન્સર, ડાયાબીટીસ અને HIVના બાળકોના સરવાળા કરતા વધારે છે.

સારવાર : હોમિયોપેથીમાં ઓટીઝમની સચોટ અને સમય સાથેની સારવાર સંભવ છે, દુનિયાભરના ડોક્ટર્સ તેમના પોતાના ઓટીસ્ટીક બાળકને હોમિયોપેથી સારવાર આપવાનું પસંદ કરે છે. વિશ્વભરમાં હોમિયોપેથી ઓટીઝમની સારવાર માટે પ્રચલિત છે. મોર્ડન મેડિકલ સાયન્સ એટલે કે એલોપેથીમાં ઓટીઝમ માટે કોઈ મેડિકલ સારવાર નથી, બાળકની હાયપર એક્ટીવીટી (Hyperactivity)ને કંટ્રોલમાં લેવા રેસ્પરીડોલ નામની દવા આપવામાં આવે છે. હોમિયોપેથી દવાની સાથે આહાર નિયંત્રણ અને શારીરિક કસરત એમ ઉપરોક્ત ત્રણ બાબત ઉપર ધ્યાન આપવાથી બાળકને ઓટીઝમમાંથી સામાન્ય બનાવી શકે છે.

–     બાળક હોમીયોપેથીની સારવારથી 9 મહિના પછી બોલવાનું શરૂ કરે ત્યારે બાળકને 2 મહિના સ્પીચ થેરાપી આપવાથી બોલવાનું સારી રીતે આવી શકે છે.

–     સારવારના 16 મહિના પછી બાળકને 3 મહિના માટે ABAસારવાર કરાવવાથી બાળકમાં બાકી રહેલો સુધારો ઝડપથી લાવી શકાય છે.

સારવારની શરૂઆત કઈ રીતે કરવી.

–     ઓટીઝમના લક્ષણો માલુમ પડે તો નજીકના બાળરોગ નિષ્ણાંત પાસે તેમજ આ સારવારના અનુભવી ડોક્ટર્સ પાસે બાળકને નિદાન કરાવી સારવાર ચાલુ કરવો. હોમિયોપેથીક દવાના પહેલા 120 દિવસની સારવાર દરમિયાન તમામ બાળકમાં સુધારો જોવા મળશે અને ત્યારબાદ દર 60 દિવસે સુધારોને લગભગ 225 મહિનાની દવાથી બાળક સામાન્ય થશે.

–     ઉપરોક્ત સારવાર સાથે તમારા બાળકને GFCF DIET એટલે કે દૂધ અને દૂધની બનાવટ તેમજ ઘઉંને તેની બનાવટ સંપૂર્ણ બંધ કરવાની રહેશે, દૂધની બનાવટ જેમ કે દહીં, છાસ, માખણ, ચીઝ બંધ કરવું ને તેના બદલે બાળકને સોયા, બદામ કે નાળીયેરનું દૂધ આપવું, ઘઉંની બનાવટ જેમ કે રોટલી , ભાખરી, બિસ્કીટ બંધ કરી બાજરી, ચોખા અન્ય કઠોળ દરેક પ્રકારના લિલા શાકભાજી આપવા.

–     બાળકને દોડાવવું, ઝડપથી ચલાવવું, સાયકલીંગ, સ્કેટીંગ તેજમ સ્વિમીંગ કરવાથી ઝડપથી સુધારો જોવા મળે છે.

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #ahmedaba#WorldAutismAwarenessDay #AutismAwareness #Autism

The post ડાયટ અને કસરત દ્વારા ઓટિઝમના 80 ટકા કેસ સારા થઇ શકે છેઃ નિષ્ણાતો appeared first on News.

પથિક લીંબાચીયા, અમદાવાદ:
01 એપ્રિલ 2026:

CED તાલીમ કેન્દ્ર તેમજ મેજિકલ ટ્રેન્ડના સ્થાપક શ્રીમતી અંકિતાબેન બ્રહ્મભટ્ટ મુખ્ય ટ્રેનર તરીકે વર્કશોપમાં ઉપસ્થિત રહ્યા હતા.

આ પ્રસંગે બોલતા GCCI માનનીય ખજાનચી શ્રી ગૌરાંગભાઈ ભગતે GCCI જેમ્સ એન્ડ જ્વેલરી ટાસ્કફોર્સ ચેરમેન શ્રી વિપુલભાઈ મહેતાને આવી મહત્વપૂર્ણ વર્કશોપનું આયોજન કરવા બદલ અભિનંદન આપ્યા હતા. તેઓએ આ પ્રસંગે ટ્રેનર તરીકે ઉપસ્થિત રહેવા માટે શ્રીમતી અંકિતાબેન બ્રહ્મભટ્ટનો પણ ખુબ આભાર માન્યો હતો.

તેઓએ જણાવ્યું હતું કે પ્રસ્તુત તાલીમ તમામ સહભાગીઓને પ્રમાણપત્ર તેમજ સરકાર દ્વારા જારી કરાયેલ “આર્ટિસન કાર્ડ” પ્રદાન કરશે જે થકી રોજગાર મેળવવાની તેમજ એક તાલીમબદ્ધ કારીગર તરીકે પોતાનો વ્યવસાય કરવાની તકો વધી જશે.

તેમણે GCCI ની આવી તાલીમ પૂરી પાડવા અને લોકોને મોટા પાયે સશક્ત બનાવવા અને તેના દ્વારા ગુજરાતમાં વેપાર અને ઉદ્યોગના વિકાસમાં મદદ કરવા માટેની પ્રતિબદ્ધતા ઉપર ભાર મુક્યો હતો.

સાત દિવસીય વ્યાપક તાલીમમાં હસ્તકલા જ્વેલરીના વિવિધ પાસાઓને આવરી લેવામાં આવશે જેમ કે ગુંથણી, લટકણ/ઢીંગલી, છેડીયુ, ગળાનો હાર, કાનની વીંટી અને વાળના એસેસરીઝ વગેરેનો સમાવેશ થાય છે.

તાલીમમાં આ સંદર્ભમાં વિવિધ સરકારી યોજનાઓ વિશે માર્ગદર્શન પણ આપવામાં આવશે અને સાત દિવસની તાલીમ પછી તમામ સહભાગીઓને કારીગર કાર્ડ તેમજ પ્રમાણપત્ર પ્રાપ્ત થશે.

જેમ્સ એન્ડ જ્વેલરી ટાસ્કફોર્સના મેમ્બર શ્રી આશિષ ઝવેરીએ આભારવિધિ કરી આ વર્કશોપનું ઉદ્ઘાટન સત્ર પૂર્ણ કર્યું હતું.

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #HandicraftJewelryWorkshop #gcci #GCCIGemsandJewelryTaskForce #ahmedaba

The post GCCI દ્વારા તારીખ ૧ એપ્રિલથી ૭ એપ્રિલ, ૨૦૨૬ દરમિયાન “હસ્તકલા જ્વેલરી વર્કશોપ”નું થયેલ આયોજન. appeared first on News.

ભગવાન શ્રીકૃષ્ણ અને માતા રુક્મિણીના પવિત્ર વિવાહ પ્રસંગની સ્મૃતિમાં આયોજિત પાંચ દિવસીય ‘માધવપુર ઘેડ મહોત્સવ’ (૨૭ માર્ચ થી ૩૧ માર્ચ, ૨૦૨૬) આજે “એક ભારત, શ્રેષ્ઠ ભારત” અને “વિકસિત ગુજરાત” ની થીમ હેઠળ સફળતાપૂર્વક સંપન્ન થયો છે.

પશ્ચિમ અને ઉત્તર-પૂર્વ ભારતના સાંસ્કૃતિક સેતુ સમાન આ ઉત્સવમાં કલાત્મક રેતકલા (Sand Art) અને વિવિધ રાજ્યોની લોકકલાઓના સંગમે માધવપુરને એક જીવંત ગ્લોબલ ટુરિઝમ ડેસ્ટિનેશન તરીકે વિશ્વભરમાં ઉજાગર કર્યું છે.

આ મહોત્સવમાં પધારેલા કલાકારો માટે “અતિથિ દેવો ભવ:” ની પરંપરાગત મહેમાનગતિ ખરા અર્થમાં ચરિતાર્થ થઈ છે. કલાકારોના રોકાણ માટે નામાંકિત ખાનગી હોટલોમાં અત્યંત આરામદાયક અને સ્વચ્છ રૂમોની વ્યવસ્થા કરવામાં આવી હતી, જેથી તેઓને ઘર જેવો આત્મીય અનુભવ મળી રહે. ભોજન વ્યવસ્થામાં પણ વિશેષ કાળજી લેતા, કલાકારોના આરોગ્ય અને રુચિને અનુરૂપ સ્વાદિષ્ટ અને પૌષ્ટિક વાનગીઓ સમયસર પીરસવામાં આવી હતી.

દૂર-દૂરથી પધારેલા કલાકારો માટે સુવ્યવસ્થિત ટ્રાન્સપોર્ટેશનની સુવિધા ઉપલબ્ધ કરાવાઈ હતી, જેથી તેઓ રિહર્સલ અને કાર્યક્રમ સ્થળે સરળતાથી અવરજવર કરી શકે. ઉનાળાની વધતી ગરમીને ધ્યાનમાં રાખીને ખાસ તૈયાર કરાયેલા ‘સુવિધા હેમ્પર’ એનાયત કરવામાં આવ્યા હતા, જે તેમની સુવિધા માટે અત્યંત મહત્વપૂર્ણ રહ્યા હતા. ઈવેન્ટ મેનેજમેન્ટ ટીમ દ્વારા ૨૪ કલાક સતત સંકલન અને દેખરેખ રાખવામાં આવી હતી, જેના પરિણામે કોઈ પણ પ્રકારની અસુવિધા વગર તમામ કાર્યક્રમો સફળતાપૂર્વક પૂર્ણ થયા છે.

માધવપુર ઘેડ ૨૦૨૬ એ આધુનિક વ્યવસ્થાપન, હવે માત્ર એક સાંસ્કૃતિક કાર્યક્રમ પૂરતું સીમિત ન રહેતા, પ્રવાસન ક્ષેત્રે આતિથ્ય સત્કાર (Hospitality) અને ઈવેન્ટ મેનેજમેન્ટની નવી ઊંચાઈઓ પ્રસ્થાપિત કરતું એક સબળ માધ્યમ સાબિત થયું છે. શ્રેષ્ઠ વ્યવસ્થાપન અને આત્મીય મહેમાનગતિના આ ત્રિવેણી સંગમે માધવપુરને આંતરરાષ્ટ્રીય પ્રવાસન નકશા પર એક નવી અને પ્રતિષ્ઠિત ઓળખ અપાવી છે. આ સફળ મોડેલ આગામી સમયમાં મોટા પાયે આયોજિત થતા પ્રવાસન ઉત્સવો માટે વ્યવસ્થાપનનું એક ઉત્કૃષ્ટ પ્રેરણારૂપ ભાથું બની રહેશે.

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #Madhavpurghedmahotsav-2026 #Bhakti-Culture-Traditional-HospitalityTriveni SangamMadhavpur Mela #Madhavpurghed-2026 #Madhavpurghedmahotsav #Madhavpur Mela #LordShriKrishna #MotherRukmini #Madhavpurghedmahotsav #OneIndia #BestIndia #DevelopedGujarat #Memorial of the Marriage of LordShriKrishna-MotherRukmini #Hospitality #SandArt #ahmedaba

The post માધવપુર ઘેડ મહોત્સવ 2026: ભક્તિ, સંસ્કૃતિ અને પરંપરાગત આતિથ્યના ત્રિવેણી સંગમ સાથે માધવપુરના મેળાનું ભવ્ય સમાપન appeared first on News.

અમદાવાદ: 31 માર્ચ 2026:

ગાંધીનગર જિલ્લાના ડભોડા સુપ્રસિધ્ધ શ્રી ડભોડીયા હુનમાનજી મંદિર ખાતે તા.૨ જી એપ્રિલના રોજ હનુમાન જ્યંતિ નિમિતે દાદાનો ભવ્ય જન્મોત્સવ ઉજવવામાં આવશે. દર વર્ષની જેમ આ વર્ષે પણ તેલના ૧૧૧૧ ડબ્બાનો મહાઅભિષેક કરવામાં આવશે. હનુમાનજી જન્મોત્સવને લઇ મારૃતિયજ્ઞા, દાદાની શોભાયાત્રા, મહાઆરતી, ધ્વજારોહણ, ભોજન-પ્રસાદ ભંડાર સહિતના અનેકવિધ કાર્યક્રમનું આયોજન કરવામાં આવ્યું છે. દર વર્ષે હનુમાનજી દાદાના જન્મોત્સવ પ્રસંગે ડભોડિયા હનુમાનજી મંદિર ખાતે લાખોની સંખ્યામાં શ્રધ્ધાળુ ભકતો દાદાના દર્શન અને આશીર્વાદ લેવા માટે પધારતા હોય છે.

આ અંગે શ્રી ડભોડિયા હનુમાનજી દાદા મંદિરના પૂજારી રાજુભાઇ મહેતાએ એકખાસ વાતચીતમાં જણાવ્યું હતું કે, ગાંધીનગર જિલ્લાના ડભોડા ખાતેના સ્વયંભૂ ડભોડિયા હનુમાનજી દાદાનું મંદિર અતિ પ્રાચીન અને આશરે ૧૨૦૦ વર્ષ જૂનુ પૌરાણિક છે. હાલ મંદિરનો જીર્ણોધ્ધાર કરી તેનું નવુ કાયાકલ્પ કરવામાં આવ્યું છે. તો, તા.૨ જી એપ્રિલે હનુમાનજી દાદાનો જન્મોત્સવ હોઇ મંદિર પ્રશાસન દ્વારા ભવ્ય આયોજન કરવામાં આવ્યુ છે. કારણ કે, દર વર્ષે હનુમાનજી જન્મોત્સવ નિમિતે ડભોડિયા હનુમાનજી દાદાના દર્શન કરવા પાંચ લાખ જેટલા ભકતો દેશ-વિદેશથી આવતા હોય છે. આ વર્ષે પણ શ્રધ્ધાળુ ભકતોનો આંક છથી સાત લાખને પાર જાય તેવી શકયતા છે.

શ્રી ડભોડિયા હનુમાનજી દાદા મંદિરના પૂજારી રાજુભાઇ મહેતાએ વધુમાં ઉમેર્યું હતું કે, તા.૨ જી એપ્રિલે હનુમાનજી દાદાના જન્મોત્સવ દિને વહેલી સવારે પાંચ વાગ્યે સ્વયભૂ ડભોડિયા હનુમાનજી દાદાની મંગળા આરતી કરવામાં આવશે, ત્યારબાદ મંદિર પ્રાંગણમાં જ મારૃતિ યજ્ઞા અને હવનું આયોજન છે. સવારે ૮-૩૦ વાગ્યાથી ડભોડિયા હનુમાનજી દાદાની ભવ્ય શોભાયાત્રા નીકળશે, જે ડભોડાના માર્ગો પર ફરી નિજમંદિરે પરત ફરશે. બીજીબાજુ, સ્વયંભૂ ડભોડિયા હનુમાનજી દાદાને દર વર્ષની જેમ આ વર્ષે પણ ૧૧૧૧ તેલના ડબાનો ભવ્ય મહાઅભિષેક કરવામાં આવશે. બપોરે ૧૧-૪૫ વાગ્યે દાદાના મંદિરે ધ્વજારોહણ અને બપોરે ૧૨-૦૦ વાગ્યે ડભોડિયા હનુમાનજી દાદાની મહાઆરતી કરવામાં આવશે. ત્યારબાદ ડભોડિયા હનુમાનજી દાદાને ૧૫૧ કિલોની કેક મહાપ્રસાદ સ્વરૃપે ધરાવવામાં આવશે. સાંજે અને રાત્રિના સમયે દાદાના જન્મોત્સવની ઉજવણીના ભાગરૃપે ફટાકડા-આતશબાજીનું ભવ્ય આયોજન કરવામાં આવ્યું છે. આ સિવાય હનુમાનજી જન્મોત્સવ નિમિતે દેશ-વિદેશથી આવતા લાખો શ્રધ્ધાળુ ભકતો માટે મહાપ્રસાદ-ભંડારાનું પણ આયોજન કરવામાં આવ્યું છે.

ઉલ્લેખનીય છે કે, ગાંધીનગર જિલ્લાના ડભોડા ગામે સ્થિત આ સ્વયંભૂ ડભોડિયા હનુમાનજી દાદાનો ઇતિહાસ, ચમત્કાર અને મહાત્મ્ય બહુ અદ્ભુત છે અને તેને લઇને જ લાખો શ્રધ્ધાળુ ભકતોમાં દાદા પ્રત્યે બહુ મોટી આસ્થા અને વિશ્વાસ છે. દેશ-વિદેશથી લાખો શ્રધ્ધાળુઓ દર વર્ષે દાદાના દર્શનાર્થે આવતા હોય છે અને દાદાના દર્શન માત્રથી તેમના આશીર્વાદ અને કૃપા માત્રથી ભકતોના ધાર્યા કામ પાર પડી જતા હોય છે, જેને લઇ શ્રી ડભોડિયા હનુમાનજી દાદાની પ્રસિધ્ધિ જગવિખ્યાત બની રહી છે.

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #HanumanJanmotsav #DabhodiyaHanumanji #HanumanjiMahaAbhisheka #MarutiYagya #HanumanjiNiShobhaYatra #HanumanjiNiMahaAarti #HanumanjiNiDhvaJarohan #RAM #JAYSHRIRAM #ahmedaba

The post હનુમાન જન્મોત્સવ નિમિતે ડભોડિયા હનુમાનજી દાદાને ૧૧૧૧ તેલના ડબાથી ભવ્ય મહાઅભિષેક કરાશે appeared first on News.

પથિક લીંબાચિયા, અમદાવાદ:
31 માર્ચ 2026:

ફિલ્મમેકર તન્મય શાહે મંગળવારે અમદાવાદના Amdavad ni Gufa ખાતે પોતાના છ દિવસીય ચિત્ર પ્રદર્શન ‘Borrowed Earth’નું ઉદ્ઘાટન કર્યું. આ પ્રદર્શન કલા, ફિલસૂફી અને હવામાન પરિવર્તન અને પર્યાવરણ જાગૃતિને એક સાથે જોડતું અનોખું મંચ બની રહ્યું છે. 26 ચિત્રો ધરાવતું આ પ્રદર્શન કલા રસિકો, પર્યાવરણપ્રેમીઓ અને વિદ્યાર્થીઓની ઉત્સાહભેર હાજરીમાં જીવંત બન્યું.

‘Borrowed Earth’ એ આ ઊંડા વિચાર પર આધાર રાખે છે કે ધરતી આપણું માલિકી હક નથી, પરંતુ માત્ર ઉધાર છે, એક નાજુક, નિલવણ સંબંધી અવકાશ જ્યાં માનવ અને કુદરતની રચના એકબીજાને સ્પર્શતી રહે છે. આ પ્રદર્શન માનવ જીવનની પ્રવૃત્તિઓ અને કુદરતી તંત્ર વચ્ચેના નાજુક તાળમેલને અનુભવીને દર્શાવે છે. પ્રતીકાત્મક ચિત્રો, સ્તરીકૃત કથા અને વિચારોની લય દ્વારા આ કૃતિઓ માત્ર હવામાન બદલાવની દ્રષ્ટિ પૂરતી નથી, પરંતુ જવાબદારી, સહઅસ્તિત્વ, સમયની અસથાયિત્વતા અને પૃથ્વી સાથે માનવીય સંબંધની ગંભીર સમજ પર પણ મનન કરવા પ્રેરણા આપે છે.

છેલ્લા છ મહિનામાં કેન્વાસ પર એક્રેલિક રંગોથી સર્જેલા આ 26 ચિત્રો તન્મય શાહના પર્યાવરણપ્રેમ અને કુદરત સાથેની અંતરંગ યાત્રાને દર્શાવે છે. ઉદ્ઘાટન પ્રસંગે શાહે કહ્યું, “‘Borrowed Earth’ એ માલિકીની ધારણા પરથી જવાબદારીની દૃષ્ટિ તરફ વિચારને ઉઘાડવાનો પ્રયાસ છે. આ પ્રદર્શન એવુ કળાત્મક અવકાશ સર્જે છે જ્યાં દર્શકો થોડી ક્ષણ રોકાઈને પૃથ્વી સાથે આપણા સંબંધને ફરીથી અનુભવવા અને તે જીવતંત્ર સાથે કેવી રીતે સહઅસ્તિત્વમાં રહે તે વિચારવા પ્રેરિત થાય.”

કલા પ્રદર્શનનું ઉદ્ઘાટન જાણીતા પોલિસી એડવાઈઝર ડૉ. સુનીલ આર. પારેખના હસ્તે કરવામાં આવ્યું હતું. આ પ્રસંગે વર્લ્ડ ઈકોનોમિક ફોરમ (AGS) ના ફાઉન્ડિંગ ક્યુરેટર ડૉ. પારેખે કલાકારના સર્જનોને બિરદાવતા જણાવ્યું હતું કે, “મને તન્મય શાહની કલામાં ઊંડાણ અને અર્થસભર અભિવ્યક્તિના દર્શન થાય છે. આ પ્રદર્શન નિહાળવું એ ખરેખર એક નવતર અને તાજગીસભર અનુભવ છે. ક્લાયમેટ ચેન્જ (હવામાન પરિવર્તન) એક ગંભીર વૈશ્વિક પડકાર છે, પરંતુ કલાકાર તન્મય શાહે તેને જે દ્રષ્ટિકોણથી રજૂ કર્યો છે તે અદભૂત છે. તેમણે પ્રયોજેલા રંગો દૈવી અને તેજસ્વી હોવાની સાથે અત્યંત સાહસિક અને આકર્ષક છે.”

તેમણે વધુમાં ઉમેર્યું હતું કે, “દરેક ચિત્ર કલાકારના ઉમદા સંદેશને વધુ પ્રબળ બનાવે છે અને દર્શકો માટે એક ચિંતનશીલ અનુભવ સર્જે છે. હું દરેક કલાપ્રેમીઓને આ પ્રદર્શન નિહાળવા માટે હાર્દિક નિમંત્રણ અને આગ્રહ કરું છું.”

Borrowed Earth’, વૈશ્વિક હવામાન સંવાદ માટે સમયસરની સાંસ્કૃતિક પ્રતિસાદ તરીકે, પ્રતિભાવો મેળવનારાઓમાં પર્યાવરણ વિષયક જાગૃતિ અને મનનને પ્રેરિત કરે છે. કેટલાક પ્રતિભાવો મેળવનારાઓએ શેર કર્યું કે આ પ્રદર્શન તેમને દૈનિક પસંદગીઓ અને પૃથ્વી સાથેના સંબંધમાં ફેરફાર અંગેની આંતરિક ચર્ચા શરૂ કરવા પ્રેરણા આપે છે, જે હવામાન પરિવર્તન સાથે સંકળાયેલી છે. આથી એ દર્શાવે છે કે પ્રદર્શન પ્રતિભાવો મેળવનારાઓને વિચારશીલ અને સંવેદનશીલ બની થવા માટે પ્રેરિત કરે છે.

ચિત્રોને પૂરક તરીકે, શાહ દ્વારા છેલ્લા આઠ વર્ષમાં વિવિધ ભૂભાગોમાં લીધેલી 26 ફોટોગ્રાફ્સ પણ પ્રદર્શિત છે. આ છબીઓ શાંતિપૂર્વક છતાં શક્તિશાળી રીતે પૃથ્વીના વિશાળ સ્વરૂપ, સૌંદર્ય અને નાજુકતાનું પ્રતિબિંબ પ્રદાન કરે છે.

એક ફોટોગ્રાફમાં અલાસ્કામાંના નોર્ધર્ન લાઇટ્સને કેદ કરવામાં આવ્યું છે. શાહે જણાવ્યું, “આ માત્ર પ્રકાશ નથી; આ સૂર્યકિરણો છે, જે ચાર્જ્ડ કણોને પૃથ્વીની ચુંબકીય ક્ષેત્ર સાથે અથડાવતાં દ્રશ્યમાન બની જાય છે. હું આ દુર્લભ કુદરતી દ્રશ્યને દસ્તાવેજી કરવા અલાસ્કા ગયો હતો,” અને તેમણે નોંધ્યું કે આ છબી પૃથ્વી પર જીવન જાળવતા નાજુક પરિસ્થિતિઓને પણ પ્રતિબિંબિત કરે છે.

બીજું ફોટોગ્રાફ આઇફિલ ટાવરના પીઠમાં 72 વૈજ્ઞાનિકો અને એન્જિનિયરોની શ્રદ્ધાંજલિ રજૂ કરે છે. શાહે ઉમેર્યું, “આ અમને યાદ અપાવે છે કે માનવજાતિના કેટલાક સર્વપ્રસિદ્ધ સર્જનો ફક્ત સૌંદર્ય પર આધારિત નથી, પરંતુ બળો, પદાર્થો અને મર્યાદાઓની ઊંડાઈથી સમજ પર નિર્ભર છે.”

ચિત્રો અને ફોટોગ્રાફ્સ સાથે મળીને કલ્પના અને અવલોકનની વચ્ચે જીવંત સંવાદ રચે છે, જે પ્રતિભાવો મેળવનારાઓને તેમના વ્યક્તિગત પ્રભાવ અને પૃથ્વીના ભવિષ્યને ઘડતા સામૂહિક નિર્ણયો પર વિચાર કરવા દીર્ઘકાલિક પ્રેરણા આપે છે.

આ પ્રદર્શન 5 એપ્રિલ સુધી રોજ સાંજના 4 થી 8 વાગ્યા સુધી જનતાને ખુલ્લું રહેશે. ‘Borrowed Earth’ તન્મય શાહનું ત્રીજું ચિત્ર પ્રદર્શન છે, જે પહેલાં તેમના પિતા અને કળાકાર અનિલ શાહ સાથે રજૂ કરેલા ‘Sambandh’ (2013) અને 2017 માં થયેલા તેમના સોલો પ્રદર્શન ‘Concoct’ પછીનું છે.

#bharatmirror #bharatmirror21 #news #india #bharat #hindustan #action #amazing #village #city #country #india #bharat #mostviral #trending #BorrowedEarth #photographsreflectingthePlanet’sbeauty #six-dayExhibition #BorrowedEarthatAmdavadniGufa #ahmedaba

The post ચિત્ર પ્રદર્શન ‘Borrowed Earth’ દ્વારા હવામાન પરિવર્તન અને પર્યાવરણ જાગૃતિને કળાત્મક અભિવ્યક્તિ મળી appeared first on News.